Malampusong pagsaulog sa ika-pito nga kapistahan sa GKK St. Joseph the Worker Phase 1 & 2

Kagahapon adlawa atol sa adlaw sa mga mamumuo o labor day Mayo una (1) giselebrar ang ika-pito (7) nga kapistahan sa St. Joseph the Worker Golden Hills Phase 1 and 2.

Ang misa nagsugod sa alas siete y media (7:30) nga gipanguluhan sa among Kura Paroko nga si Fr. Edsel Paloma.

Una nahuman ang misa si Fr. Edsel naghatag sa iyang suhestyon nga mahimong i-apply ang parada sa mga gamit sa mga mamumuo kon ang simbolo ni San Jose nga usa ka mamumuo.

Ug sya manghinaut nga sa sunod kapistahan mahimu o matuman na kini.

Dakong pasalamat ug kalipay sa mga GSL tungod kay ang ilang patron mao ang napili nga butangan og Tabernaculo sa ilang altar.

Pagkahuman sa misa gipahigayon ni Fr. Edsel ang pagblessing sa mga balay ug sakyanan.

Pagkahuman sa blessing nakigduyog si Fr. Edsel sa pagpangaon kauban ang mga GSL.

Mapasalamaton gayud ang tanang miyembro sa GKK St. Joseph the Worker Golden Hills Phase 1 ug 2 tungod sa kalampusan sa pagsaulog sa ilang kapistahan. (Ritchel Artajo | GKK Soccom)