Mga Kabatan-onan Giamuma ug Giatiman

Gidawat sa San Pedro Cathedral Parish ang twenty-six (26) ka mga batan-ong delegado nga gikan sa United Arab Emirates ug Indonesia ug laing mga kabatan-onan gikan sa nagkadaiyang Rehiyon sa Pilipinas. Kini kabahin sa ika-26 nga tuig sa Couples for Christ – YFC International Conference (ICON) nga ipahitabo Abril 5-7, 2019 uban sa tema: “Onward, A Journey to Holiness.”

Sila ang mga kabataan sa kasamtangang panahon nga naningkamot sa pagpuyo nga malipayon nga makauban ang atong Ginoong Jesukristo diha sa tagsa-tagsa ka kaugalingon. Ingon pa nila, “it is a blessing to serve the Lord.”

Ang nahisgutang kabataang delegado giamuma (foster) ug giatiman sa mga aktibong pamilya uban sa kabatan-onan nga nahisakop sa maong parokya.

Nanambong ang mga delegado sa Santos nga misa, gisundan sa program ug salo-salo nga gigahin sa Parish Youth Apostolate aron sa pag-abi-abi kanila.

Sa pagkamanggihatagon sa atong kabtangan, panahon, ug pagsabot diha sa mga kabatan-onan dili sila mahisalaag kon kita andam kanunay sa pagdawat kanila. (Rosalinda C. Jabonillo | SPC SoCCom)