Bisag Duna Pay Lain Magpari Gayod

KNOT

JHANRHIAN PLACIBE,
19 ANYOS (Right)
TAGAKAOLO TRIBE
MALITA, DAVAO DEL SUR
St. Francis Xavier College Seminary

“…wa ko’y interes anang mga ing anang klase na kalihukan sa Simbahan, kanang point gud na trip-trip lang na dili ko musimba. Busa dako ang ilang pag-uyon na nisulod ko’g seminary; ila man pud ning gusto aron muduol ko sa Ginoo.”

Simple ra ang among pagpuyo sa Malita, Davao del Sur. Ang akong papa ug mama puros mag-uuma. Nitubo ko sa kabukiran; lagyo ang among mga silingan.
Sa una, wala pako nahimamat na makighalobilo sa uban kay sa tinood lang, layo pud baya ang among barangay gikan sa Poblacion.
Sugod pa lamang sa akong pagka-first year, daghan kaayu ang nausab kay sa una man gud, naanad na ko na dili mureach-out. Pag-abot pud sa academics, usahay maglisod gyud ko kay gikan man ko sa lagyong dapit. Labaw sa tanan, wala man pu’y tarong na sistema sa edukasyon sa una katong naa pa ko sa elementary ug hayskul.
Nalipay ko’g dako na karon naa naman tanan. We are well-provided; from academic towards spirituality. Naninguha jud ko na maka-catch up sa mga lessons na ginatudlo diri sa seminaryo. Makaingon ko na naa dyu’y edge ning mga nigradweyt ug high school dinhi sa Davao kay dili na lisod sa ilaha ang mag-adjust.
Ang focus nako karon kay bisag gikan pa man ko sa probinsya, dili ko magpalupig sa uban kay pareha man mi “nitamak sa yuta.” Therefore, patunayan nato na kaya gyud nato ni.
Ang nag-motivate jud sa ako kay ako na mismo ang nagdecide na musulod. Ang among pari didto sa among parokya sa Malita Poblacion gipaila ko sa usa pud ka seminarista na gikan pud diri sa Davao.
So, mao na ‘to, diri pa lang daan, naa na ko’y vision sa akong bokasyon sama sa akong gina-ingon, ako nang giandam ang akong kaugalingon na ihalad ngadto sa atong amahang langitnon.
Ang akong pamilya gyud ang akong inspirasyon. Intact mi kay labaw sa tanan, relihiyoso ang akong mga ginikanan ilabi na ang akong papa na usa ka kaabag dayon ang akong mama kay usa ka katekista na naga serbisyo gyud sa simbahan for many years.
Dako ang akong kalipay kay mao kini ang akong first choice na musulod dinhi sa religious life. And to end our conversation, Yes, I am well determined to become a priest someday.