Hagit diha sa Panaad

Ang pagpanumpa sa atong mga kaigsoonan sa GINOO ug sa katawhan, sa katilingban ug sa parokyang iyang gialagaran usa ka dakong responsibildad, ug hagit sa tagsa-tagsa ka lumilihok.

Ang Formation Ministry Sr. In charge, Sr. Dawn Marie Magallon, OSB uban sa iyang mga kaubanan: School catechist, Family and Life Apostolate, Charistmatic Movement, CFD, ug uban pa, nanaad niadtong Pedrero 17, 2019, ug niadtong Pebrero 24, 2019 ang Worship Ministry nga ang Sr. In charge, Sr. Elainemarie D. Difuntorum, OSB, uban sa iyang mga kaubanan: Lector-Cantor and Commentators, Children’s and Adult Choir, Men and Women’s Collectors, Arts and Environments, Altar Server, and Eucharistic Ministers sa San Pedro Cathedral, sila boluntaryong nidawat ug nanumpa sa ilang mga katungdanan. Diha sa ilang mga kakugi, sakripisyo, ug pagkamapa-ubsanon sila gihagit ni Msgr. Leonardo Vicente, Parish Administrator sa San Pedro Cathedral nga “isip lumilihok sa parokya, mangamuyo kita sa Ginoo, higugmaon ta ang atong mga kaaway, dili ta maghukom sa atong isigkaingon, magmanggihatagon ug magpakabana sa mga panginahanglan sa uban aron ang Ginoo magahatag usab kanato”. Ang Msgr. nagkanayon, pagkanindot sa ebanghelyo kay nihaum kini sa maong adlaw sa pagpadala, mapasalamaton kayo siya sa mga katawhan nga nahimong instrumento ug nagsilbi sa simbahan, kay ingon pa niya “kung wala kamo, wala sila, kinsa ang mulihok alang sa mga buluhaton dinhi sa atong parokya. Mapasalamaton usab si Msgr. Nards sa mga manimbahay nga luyo sa hulga sa seguridad wala sila nagpa-apekto.

Diha sa mga saad, mabatunan unta sa tagsa-tagsa ang mga birtud ni Birhen Maria labina ang pagkamapa-ubasanon. (Rosalinda C. Jabonillo | SPC SocCom)