Inahang Nagmatuohon Luyo sa Kapildihan

KNOT

NIDA BEROU,
48 ANYOS
16 NA KA TUIG NANGALAGAD
LECTOR, SAN PEDRO CATHEDRAL

Dear KNOT,

Mag 16 years na ko isip Lector apan sa akong pag alagad diri sa San Pedro Cathedral, daghan usab ko’y mga apostolado na ginagunitan hilabi na sa Family and Life Apostolate. In-charge pud ko sa Lectors, Commentators, Cantors, Psalmists for children.
Kaniadto pa, 5 years na kong coordinator sa mga Pangulo sa Pagpanudlo (PSP) sa matag Gagmay’ng Kristohanong Katilingban (GKK). Niabot ang time sa akong kinabuhi nga bug-at na sa akua na daghan na kaayo ko’g apostolado, labaw na kung mag dungan. Active pud ko sa among GKK, kay mao man g’yud nang akong priority. Then misulod ko diri isip usa ka lector, school catechist ug Family and Life Apostolate core member, then nag handle pud ko sa mga bata.
Niabot ang higayon na murag makit-an nako nga easy-easy na lang sa akua; nakabalo na pud ko sa pasikot-sikot sa tanang buhatonon ug trabahoon. Pero, naga depend jud ko sa mga sugo sa kinatas-an.
Ang number one ana kay nagasangyaw ko sa pulong sa Ginoo sa mga eskwelahan ug diri pud sa Cathedral ug nagpaseminar sa Family Apostolate.
Ang isa gyud na di nako malimtan mao nga ang akong anak nga 2nd year College, nabikitima sa teenage pregnancy. Nahitabo kini sa pagsugod sa iyang pag uyab-uyab na bisag unsa man nako’g mando ug tambag nga, “Okay lang ang na’y uyab basta dili lang ka magbuhat ug immoral. Madawat man nako ang realidad na dili sa tanang higayon na mabantayan nako siya. Ug niabot g’yud sa punto nga confirmed na g’yud ning iyang pagka-buntis.
Hapit na ‘to siya magdebut Naa na sa akong plano na saulugon namo ang iyang birthday. Wa gyud ko ka-expect ato kay nagtuo gyud ko na dili unta to tinuod ug naghuwat ko na siya na mismo ang musulti sa akong atubangan; sa mga silingan na lang g’yud nako intawon nakahibaw-an na tinood g’yud diay.
At first, speechless ko, mao na kini ang dakong kapildihan sa akong kinabuhi, so kana nga time, nahimo nakong dautan diri sa akong pagpangalagad na nagasangyaw pa ko na wala na nako ginatan-aw ang akong pamilya. Daghan na ko’g gipangutan-an ana nga mga pari; dako ang akong kasal-anan nga gibuhat kato sa akong anak pero tungod sa pagtuo sa Ginoo, naipaglaban nako ang akong baruganan ug never pud ko nagdesisyon na muhawa ko, bisan man gani na ing ana ang sitwasyon, ni-laylow usa ko.
Sa akong paghangyo sa madre, wa ko niya gipahawa. Grabe g’yud ang akong paghilak na ang pagsalig niya anaa kanako.
Pag-abot pud sa seminars sa Year of Faith, gisuwat nako ang akong pangalan sa Part 3, pero wala man nag nominate nako sa pagka-speaker. Pero ila gibutang ang akong pangalan isip Overall Facilitator. Buot pasabot, dapat kahibawo gyud ko sa tanang unod sa Parts 1, 2 ug 3 sa Year of Faith.
Naka-sense gyud ko na mas bug-at g’yud na papel ang akong gampanan. Nakaingon ko na: “Lord, daghan kaayong salamat sa tanang grasya na akong nadawat, buot man pud nga wa ko niya tugti na mahimong speaker pero naa ko isip facilitator ug kini, bug-at nga obligasyon.”
Tuod man na mahuman na ang Year of Faith, para nako, magpadayon kita sa atong pagtuo.
Mura gyud ko si Maria Magdalena, kana ganing sa sitwasyon na ila nakong gi-reject. Nahurot na g’yud ang akong kinabuhi sa akong paghalad kay Lord.
Dili ko mahimutang na kulang ang mag-reader sa matag misa usahay. Magdali-dali kog apas sa oras kay ako usahay ang naga-substitute sa mga dili makasipot (both reader ug commentator) para ma-kumpleto ang selebrasyon sa Santos na Misa.
Nagpasalamat g’yud ko sa Ginoo kay tungod niining mga pagsulay, iya gihapon kong gilamdagan sa tanang higayon.
As a reader of Davao Catholic Herald, dapat ang imong pagsangyaw sa mga pulong sa Dios anaa gikan sa imong kasing-kasing, dili lang kay gi-assign lang pero ato kining higugmaon isip usa ka sumusunod ni Hesukristo.

Ipadala ang imong istorya sa Dear KNOT, desk@davaocatholicherald.com. Like our FB page at davaocatholicherald official. Musunod, usa ka Tagakaolong di musimba kaniadto, karon magpari na.