Mga batan-on sentro sa Parokya sa San Miguel Panacan

Ang mga batan-on sa San Miguel Parish Panacan mao ang sentro karong tuiga. Gipanghingusgan ang panawagan aron sa pagsuporta sa mga batan-on ilabina sa mga delegado sa National Youth Day karong umaabot nga Abril 23-28, 2019. Adunay trese (13) ka mga delegado ang moapil sa panagtapok sa mga batan-on didto sa dakbayan sa Sugbo.

Ang 51 ka mga GKK sakop sa parokya naningkamot ug nagtinabangay alang sa financial nga suporta sa mga delegado sa National Youth Day.

Duyog sa maong selebrasyon sa tuig sa mga batan-on nagpadayon ang gipahigayo’ng Pilgrimage of the Youth Cross nga gitakda mahuman sa dili pa maabot ang National Youth Day.

Ang mga lideres sa mga batan-on gipangunahan nila Rondis Saulda, PSB Coordinator ug Melard Libre, Service Head sa mga batan-on ug uban pa nga membro sa Core Group. Wala gayud kakapoy sa ilang kalihokan bisan pa man sa ka busy sa inadlaw-adlwa’ng bulohaton.

Mapasalamaton ug madasigon ang mga PSB tungod sa gipakita nga dakong suporta sa matag GKK nga ilang nabisitahan ug ilabina sa among Kura Paroko nga si Fr. Edsel Paloma sa dakong suporta ug pagpangga sa mga batan-on. (Liz Gilbuena | SMP-Panacan SoCCom)