Ang pagka-pinili ug piniyalan sa katilingban

Matod pa ni Msgr. Leonardo Vicente ang Parish Administrator sa San Pedro Cathedral, dili lalim ang responsibilidad sa usa ka lider ang pagkapinili ug piniyalan sa katilingban.

Kinahanglan nga siya mapaubsanon, naa ang pagpasensya, sa mga kalihukan boluntaryo, walay paboran, ipakita ang maayong buhat, aron nga mahimong ehemplo sa katilingban, magmahigugmaon sa usag-usa, ipakita ang pagkapangulo sa pagserbisyo aron nga diha sa iyang tawag kita makadawat og grasya ug kapasayloan sa atong GINOO.

Nahaum usab sa maong okasyon ang binasa, ang pagkamasinugtanon sa pulong sa Ginoo, ang pag-angkon sa kakulangan, ang pagtubag sa tawag isip piniyalan nga mamahimong mangingisda sa katawhan diha sa tagsa-tagsa ka katilingban nga walay pagbagolbol.

Fight, fight, fight lang, kini ang hagit ni Msgr. Nards sa tanang GKK Servant Leaders (GSL) sa San Pedro Cathedral nga gilangkuban sa PSK, PSA, PSP, PSL, PSKB, Soccom & Finance Com, PSB, GSAC, GKK Choir & Formators ug giapil usab ang mga cluster leaders sa mga nanumpa og balik diha sa pagkapinili ug piniyalan sa tagsatagsa ka katilingban niadtong Pebrero 10, 2019.

“Hinaot nga panalanginan kami sa Ginoo aron mamahimong mangingisda sa iyang katawhan”. (Rosalinda C. Jabonillo | SPC SoCCom)