Redemptorist Parish PSL Family Day gisaulog

Nagkatapok aron pagsaulog sa ilang PSL Family Day ang mga Pangulo sa Liturhiya (PSL) sa parokya sa Our Mother of Perpetual Help nga gilangkuban sa pito (7) ka sona, February 10, 2019 sa SATMI Gym Bajada, Davao City.

Uban sa tema karong tuiga nga “Panagtigum sa mga PSL kauban ang Pamilya alang sa Panaghiusa” malipayon nga nagjoin sa ilang mga parlor games ang mga PSL kauban usab ang ilang tagsa-tagsa ka pamilya. Naningkamot usab nga makalingaw sa tanan ang mga PSL sa ilang gihatag nga mga presentations.

Ang mga PSL sona 6 mikanta ug “Sama sa Yamog” alang sa mga nanambong. Gipili kini ni Peter Cabahug tungod sa iyang special nga mensahe; mga mensahe sa paglahutay sa pagpangalagad bisan pa sa nagkadaghan nga pagsulay karong panahona.

Nganong ubanon man gyud ang pamilya? Ubanon gyud para masabtan nila kung unsa kamahinungdanon ang ilang suporta sa paglahutay sa pagpangalagad sa usa ka PSL. Ang pag-appreciate sa ginahimo sa usa ka PSL sa ilang tagsa-tagsa ka GKK kauban sa ilang pamilya makahatag og inspirasyon sa uban pang nagpahipi lang sa daplin nga mga member nga naghulat nga tawagon usab sila sa Ginoo alang sa pagpangalagad sa ilang matag katilingban.

Surprise karong tuiga sa ilang ika 2nd year nga Family Day celebration matod pa ni Sol Valenzona ilang emcee (nga PSL pud ang iyang bana nga si Alex), mao ang paghatag og surprise cash prize sa pamilya nga adunay complete set-asawa, anak ug apo. Winner si PSL Fred Tayo og One Thousand Pesos (1,000) dayon tag Five Hundred Pesos (P500) na ang tulo (3) ka pamilya pa nga nag-tie sa gidaghanon sa miyembro sa pamilya nga ilang nadala nianang higayona. Aduna usab special prize nga tag Two Hundred Fifty (P250) ang mga best couple dancer nga nagshowdown sa ilang dance talent.

Inspired sila nga naminaw sa mensahe gikan sa among batan-on nga Asst. Parish Priest nga si Fr. Giovanni Quibol CSsR. So inspired nga ila nang gina-look forward ang sunod tuig nga panagtigom. Malipayon ang tanan sa nahimong resulta sa PSL Family Day 2019.

Salamat sa PSL Coordinator Edwin Pilapil, Lucy Losbanez-parish worker incharge, mga youth nga naghatag usab sa ilang share sa paglingaw ug ang tanang mga PSL sa Our Mother of Perpetual Help ug ilang mga tagsa-tagsa ka pamilya. (Marieta Comighud)