Pope Francis: I-ampo ang Pilipinas

Bisan pa layo ang Vatican sa Pilipinas, gipakita gihapon ni Pope Francis ang iyang pagka-amahan sa mga magtotoo ilabi na sa mga biktima sa linog sa Visayas.
Sa iyang mensahe atol sa pag-ampo sa Angelus niadtong milabay’ng Domingo, gisaysay sa Santo Papa ang iyang kasuod sa mga Pilipino sa mga biktima sa 7.2 magnitude nga linog sa Central Visayas.

“I want to express my closeness to the people of the Philippines who have been struck by a strong earthquake, and I invite you to pray for that dear nation, which in recent days has suffered different calamities,” sumala ni Pope Francis sa report nga gihimo sa cbcpnews website.
Kahinumduman usab nga mi-apila si Pope Francis ngadto sa mga Pilipino ug Asyanong Katoliko nga kaluy-an ang mga kabus ug dinaug-daug.

“Don’t get tired of bringing the mercy of the Father to the poor, the sick, the abandoned, the young people, and the family,” giingon ni Pope Francis sa iyang video message alang sa bag-o lang nga nahuman nga Philippine Conference on New Evangelization didto sa University of Santo Tomas.
Angay usab hinumduman nga mao kini ang usa sa giingon sa Beatitudes: “Blessed are the merciful: for they will be shown mercy.”

Si Manila Archbishop Luis Antonio Cardinal Tagle nagpaabot usab sa iyang kasubo sa mga nangaguba ug nangatumpag nga simbahan sa Cebu ug Bohol.
“It’s heartbreaking to see how these heritage churches, which became a foundation of faith for hundreds of years, have now turned into rubble. We don’t even know if it can still be used again,” sumala ni Cardinal Tagle sa iyang mensahe atol sa Philippine Conference on New Evangelization.
Mas gikaguol usab sa Cardinal ug sa mga katawhan nga nahitabo ang linog sa panahon nga naningkamot pa nga makabangon ang nasud sa epekto sa Zamboanga City standoff, mga bagyo ug ang kasamtangang Pork Barrel Fund Controversy.