VDLR Raffle, Fiesta 2019

Nagmalampuson ang gipahigayon nga raffle draw sa parokya sa Virgen delos Remedios Crossing Bayabas, Toril human sa pagtinabangay sa among kura paroko nga si Padre Anthony Silvosa uban sa iyang assistant nga si Padre Leif Simbajon, finance committee, mga GSL, ug mga parokyano sa VDLR. Bisan ang mga taga laing parokya namaligya sa tiket nga dunay tumong sa pagkalap og pondo alang sa bayronon sa luna sa simbahan nga nikabat ug 3.5 milyon ka pesos.

Una gibunot ang mga mananaog adunay pasundayag nga gihimo aron malingaw ang mga nisaksi sa draw.

Ang bulahan nga nidaog sa La Germania Gas Range sa ikatulong premyo mao si Conchita Sultan nga gikan sa Birhen del Pilar, Ilam Toril.

Ang ikaduhang mananaog mao si Jomar Gonzaga nga gikan sa Mother of Perpetual Help Saypon, Toril nakadaog ug Sharp Karaoke with Built-in Led TV ug ang nakadaog sa grand prize nga Bajaj RE gikan sa Sto. Nino Upper Bayabas, Toril mao si Jay Espinoza. Nagpasalamat ang among kura paroko sa tanang nipalit sa tiket. (Lilibeth Sancover | VDLR SoCCom)