Ang Paghalad ni Hesus Sa Iyang Kaugalingon

P: Sa unsa man nga paagi gihalad ni Cristo ang iyang kaugalingon ngadto sa Amahan?
T: Ang tibuok kinabuhi ni Cristo usa ka gawasnong halad ngadto sa Amahan aron sa pagpahigayon sa iyang plano sa kaluwasan. Gitugyan niya ang “iyang kinabuhi aron pagtubos sa daghang mga tawo” (Marcos 10:45) ug niining paagiha gipahiuli niya ang tanang tawo ngadto sa Dios. Ang iyang pag-antos ug kamatayon nagpakita nga ang iyang pagkatawo usa ka gawasnon ug hingpit nga himan niadtong diosnong gugma nga nangandoy sa kaluwasan sa tanang mga tawo.

P: Giunsa man pagpadayag ang halad ni Jesus sa Katapusang Panihapon?
T: Sa kataposang Panihapon uban sa iyang nmlga apostoles, bisperas kadto sa iyang kasakit, gipasiunhan ni Jesùs, sa ato pa, iyang gisimbolo ang gawasnon nga paghalad sa iyang kaugalingon ug gipamatuod ug gipaanaa kini: “Mao kini ang akong lawas nga gihatag alang kaninyo” (Lucas 22:19), “Kini mao ang akong dugo nga giula … (Mateo 26:28). Sa ingon niini. Gitukod niya ang Eyukaristiya isip “paghandom” (1Corinto 11:25) sa iyang sakripisyo u gang iyang mga apostoles isip mga pari sa bag-ong kasabotan.

P: Unsa may nahitabo sa Kasakit sa Ginoo didto sa Tanaman sa Getsemane?
T: Bisan pa sa kabangis sa kamatayon nga gilarawan alang sa balaan nga pagkatawo ni Jesùs, “ang Ginoo nga mao ang kinabuhi” (Buhat 3:15), ang tawhanong kabubut-on sa Anak sa Dios nagpabilin nga matuohon sa kabubut-on sa Amahan alang sa atong kaluwasan. Gidawat ni Jesùs ang katungdanan pagpas-an sa atong mga sala diha sa iyang lawas nga “nagmasinugtanon hangtod sa kamatayon” (Filipos 2:8).
(Cf. Kompendiyo sa Katekismo sa Simbahang Katoliko, 119-121)