Viva Pit Senyor!

Excerpt from the homily of Abp. Romulo G. Valles on the occasion of the 36th Parochial Fiesta of Sto. Niño Parish, Kaputian, January 20.

Dili lang kita ang nagpyesta karon. Tibuok Pilipinas official, nagsaulog sa fiesta karon. Pinoy na pinoy ang fiesta karon, Sto. Niño de Cebu. Viva Hesus! Viva.

The presence of civil government underlines that to believe in God (not only Christianity, Catholic), to have a heart for the Almighty is very important. Sense of God is very important. Gasa sa pagtoo. Kita karong nanimba, duna kitay tradition.

Kita nagtoo sa Simbahang Katoliko, nagtoo sa Diyos dinha kang Hesus. In particular nadevelop ang debosyon sa Batang Hesus. Debosyon sa Sto. Niño. Nakanindut sa atong tradisyon, ang Sto. Niño de Cebu–ato kini.

Sugyot nako sa choir sa Kaputian, tun-i ang nindot nga kanta sa Cebu. Dili gyud mabang-bang ang debosyon. Ato nang tun-an na. Obligasyon na sa atong parokya. Pride sa Kaputian, Pinoy na Pinoy. Kamo lang sa tibuok Archdiocese, Kaputian lang. Ang iyang branding, flavor, de Cebu–ato na.

Karong 2021, sa ato pa including 2019, 2020, 2021, duna nay planning. Adunay meeting, magplano sa 2021–mao ang 500 years sa Christianity dinhi sa Pilipinas. Diin nagsugod na? Cebu. Dili malalis diha sa dakong hitabo apil ang kasaysayan ni Sto. Niño.

Nianang panghitabo apil ang Sto. Niño de Cebu. 500 years of Christianity, kauban na diha ang first baptism, gigasahan ang mga unang grupo sa binunyagan. Ang ilang gasa gikan sa mga misyonero mao ang memento, mao ang larawan ni Sto. Niño–icon, representation sa pagtoong Katoliko sa Pilipinas.

Praise the Lord, diri sa whole Archdiocese of Davao, ang Kaputian maoy nagdala sa maong responsiblidad ug honor kay ang atong patron sa parokya si Sto. Niño.

Wala mo nalibog? Batang Hesus (Dec. 24), Sagrada Familia, Baptism of the Lord (Dili na siya bata kon dili 30 years old), Black Nazarene, ug karon Sto. Niño na pod.

Ang tubag niana, walay usa nga nagplano niini. Kini mga tubod sa pagtoo. Spontaneous, wala nagkalendaryo. Sa nagkadaiyang paagi ipadayag ang pagtoo. Spontaneous kaayo.

Karon daghan ang nag-adto sa Cebu tungod sa Sinulog. Ang sinulog kauban sa pagsaulog sa fiesta. Ang tinuod nga sinulog dili kanang karon. Pang-tourist na karon. Dili na na pure nga religious kay adunay premyo. Nindot na pero dili kana mao ang original nga sinulog. Ang tinuod nga sinulog ug sige hantod karon Sabado sa gabii. Kabahin sa Misa sa bisperas mao ginatawag nato nga prusisyon. Tanang katawhan kabahin.

Kung aduna kitay prusisyon didto na pod iapil ang steps, Sinulog steps kauban ang mga tao. Kining mga tidbits kabahin gyud sa malig-on, sa tinuod nga pag-ila sa Diyos diha sa atong kinabuhi. Salamat sa Dios sa gasa sa pagtoo.