OLLP Bangkal Leaders Christmas Party

Wala nahimong babag ang kakusog sa ulan niadtong Disyembre 30 sa gabii, sa excitement nga gibati sa mga Servant-Leaders sa Our Lady of Lourdes Parish sa Bangkal nga makipag fellowship-bonding sa parehong mga nangalagad sa Parokya o sa GKK, ug sa parehong higayon makuha ang mga papremyo nga gisugdan og pangandam ni Kura Paroko, Rev. Fr. Leonie H. Espana niadto pang katapusang semana sa Nobyembre.

Nagsugod ang registration sa attendance sa alas 6:00 sa hapon. By district ang han-ay sa registration desk diin naay 3 or 4 ka GKK ang sakop sa usa ka district. Ang GKK SoCCom ang gitahasan nga mo-assist. Gawas sa dinner-fellowship-bonding, ang highlight sa maong panagtigom mao ang raffle draw ug ang presentasyon sa mga performers gikan sa Districts 1-7, Youth and Lay Organization, Movements and Apostolates (LOMA) diin nalingaw ang audience sa bongga ug pang contest nga performance. Mapasalamaton ang mga performers sa wala damhang Cash Prizes nga gi-award ni Fr. Toto sa tanang grupo.

Sa Raffle draw, usa sa mga 38 items nga pang major prizes mao ang tulo ka sako nga bugas nga ang masuwerteng mananaog gikan sa ICC Kadayawan District 3, Christ The King Kadayawan and San Miguel nga parehong taga District 4. Pantay ang gidaghanon sa mga nakadaog sa 35 items for major (desk fan, flat iron, rice cooker, electric kettle) ug door prizes kay by district ang tambiolo base sa idea ni Fr. Toto. Salamat sa pamilya ni Mr. and Mrs. Nestor ug Merlyn Fruto nga maoy donor sa door prizes.

Tungod kay tuig man sa Youth nag-advise si Fr. Toto nga hatagan sila ug major role… ug tuod man ang Youth ang natahasan sa pag-emcee ug sa pag-implement sa han-ay sa programa. Sa leadership ni Elleonor Bernasor Parish Youth Apostolate Coordinator, na discharge sa Youth ang task with flying colors… Great job youth!

Nagsugod og presenta sa detailed plan ang Socio Cultural Committee pinaagi ni Alicia Acebedo, Service Ministry Coordinator niadtong Oct. 2018 PPC meeting para sa comments and/or approval sa council. Ang Leaders Christmas Party usa sa Year-Round-of-Activity sa Parokya nga ubos sa pagdumala sa Socio Cultural Committee nga ang Chairperson si Dr. Ma. Iris Melliza. Kini ang unang Leaders Christmas Party nga ang petsa nasulod sa Christmas Season pinaagi sa rekomendasyon ni Parish Pastoral Council (PPC) Lay Coordinator Bro. Nestor Fruto.

Congratulations sa tanan. Malipayon ug mabungahong pagpangalagad sa tuig 2019. (Vinny G. Bajo | OLLP SoCCom)