Viva Pit Señor!

Excerpts from Archbishop Romulo G. Valles’ homily during the Holy Mass of the 51st Fiesta of Shrine of the Holy Infant Jesus of Prague, Shrine Hills, Matina, Davao City last January 15, 2019.

“Una sa tanan, magpasalamat kita sa Diyos niining grasya sa pagtoo, kining misteryoso nga pitik sa atong kasing-kasing nga kanunay gyud kita magpahiduol sa Ginoo. In a way, nga ang gasa sa pagtoo, kanang naa sa sulod, nga nanginahanglan kita sa Diyos. Nga ang atong kinabuhi, atong ihalad sa Diyos, atong kinabuhi ipakita sa Diyos, ang atong kinabuhi unta pinaagi sa pag-ampo, aligned sa style sa Ginoo. Busa, kung nanganhi kita karon, nga adunay kaugalingon nga listahan, atong linya sa kinabuhi, basin dili mao na nga debosyon. Ang tinuod nga debosyon, mao nga mianhi kita aron tanan unta gyud, tanan unta, tanan sa atong pagkakita kung ingon ta pagtoo, iya sa Ginoo. Mao man na ang ending karon sa ebanghelyo, niuli ang batang Jesus sa Nazareth kuyog sa iyang ginikanan, nagmasinugtanon, mitubo siya, midako siya nga kanunay masinugtanon sa iyang ginikanan ug masinugtanon sa Diyos.

“Hinaut unta ang atong debosyon, mao pud na ang konklusyon sa atong pag-anhi diri. Ug kung ingon ana ang atong kinabuhi, sayon pag-abut sa grasya, kung sa computer pa, compatible ba. Unya kung naa ta’y pangayoon sa Ginoo, ang atong sudlanan, di mao, magka yabo-yabo. Wala gani kita kahibalo unsaon pag-connect sa Ginoo kay nagtoo ta nga naka-connect kita sa Ginoo pero wala diay. Busa lagi, adlaw kini, gasa sa pagtoo to renew, salamat gyud sa Diyos, ania kita. Karong adlawa atong ipasibo: Obedient, totally devoted Sons and Daughters of God.

“Dakong pangutana nato, atong kinabuhi, under ba, sulod ba sa balay sa Amahan? Nindut nga debosyon kung ania gyud kita, sakop sa balay sa Amahan. Sulod nianang panimalay sa Amahan, diha man gibobo ang grasya, diha sayon nato dawaton ang grasya.

“Si Maria atong modelo, gitipigan niya tanan sa iyang kasing-kasing. Hinaut unta, kining nindut na adlaw karon, nindut nga fiesta, magpabilin sa atong kasing-kasing. Ug unta maoy mo-dominate, maoy guiding force, guiding memory sa atong mga desisyon ugma, sunod adlaw, sunod bulan hantod mabalik kita dinhi. Pagkanindut nga modelo ang atong mahal na birhen, kining atong pagsimba sa batang Jesus.”