Pagtukod og ika-upat nga parokya sa Igacos gilantaw

Sa Talicud Island, Island Garden City of Samal posible tukuron ang ika-upat nga parokya sa Isla.
Sa pakighinabi sa DCHerald sa kura paroko sa Sto. Niño Parish, Kaputian nga si Fr. Rico Enriquez, nagpadayon ang paghisgot-hisgot ug pagpangandam sa posibleng pagtukod og parokya nga mudugang sa kasamtangang tulo ka parokya sa Isla: Virgen Dolorosa sa Babak, Immaculate Conception ug Sto. Niño Parish sa Kaputian.
Sumala ni Fr. Enriquez, naghisgot-hisgot na ang mga barangay officials ug mga GKK leaders mahitungod sa maong plano. Aduna na usab napili nga patron—Sta. Cruz.

Si Archbishop Romulo G. Valles nakahigayon na og bisita ug saulog sa misa kauban ang mga layko niadtong Setyembre 29. Ginahimo na usab ang pagsaulog sa Misa sa 15 ka GKK matag ika-duhang Domingo sa bulan. (@dcherald)