OMPH Parish-wide GSL Christmas Party 2018

Sayo nga nangmata ang kadaghanan sa mga parishioners sa OMPH Bajada tungod kay unang adlaw sa Misa de Gallo. Human sa Misa de Gallo ang excitement nadugangan pa ni sa excitement sa GSL parish-wide Christmas party. Showcase of talents na sad ni pero mas challenging tungod kay by ministry ang presentation meaning tanang PSK ug uban pang mga ministry sa mga sakop nga GKK mag-abot para magpractice. Lisod kini kay adunay conflict sa mga schedules pero bisan pa niana naningkamot ang tanan nga makahatag og makalingaw nga pasundayag. Pero pastilan adunay ikaduhang babag kay “niulan”! Nihilak man ang langit resulta: daghan ang nangalate dugay nasugdan ang programa. Ang mga nauna ug abot naluya na kay daghang bakanteng lingkoranan. Usa ka oras ang nilampas sa schedule nagdecide na nga sugdan na kay basin maluya na ang tanan. Salamat sa Diyos ug sa mga maabtikon namong nga Pangulo sa Alagad (PSA) nga maoy in charge sa mga parlor games naanam-anam ug kawala ang kalaay.

Sa kada kalihokan aduna man gyud program nga maoy basehan pero aduna gayu’y mga panahon nga mapakyas kini pero wala kini nakapaluya ug samot hinoon napamatud-an namo nga girl scout ug boy scout na diay mi kay bisan pinakalit game ra kaayo ang mga natawagan alang sa mga last minute replacement sama sa emcee, ang mohatag sa Christmas message ang among seminarian nga gipakanta ug pinakalit. Mura mi’g niadto og Italy nitan-aw og concert sa mga sikat nga tenor sa kalibutan. Makaproud kaayo siya ug silang mga seminarian nga hawod manayaw. Mga artistahin ang dating.

Pero ang pinaka-memorable ang presensiya sa among parish priest si Fr. James Narisma nga nagsick leave pero nibalik na. Na-miss namo siya sulod sa pipila ka bulan. Tapos nisabay pa siya og kanta kauban ang mga parish staff ug bag-ong naordinahan nga pari sa ilang sample challenge.

And so ang medyo makaluya nga sugod natapos nga malipayon. Malipayon kay adunay nadawat nga mga door prizes pero mas makalipay ang panag-uban pag-usab sa mga GSL aron magpasalamat sa tanang grasya nga nadawat sa tibook tuig. Ang pasko selebrasyon sa GUGMA, paghinatagay, pagpasayloay, pagtinabangay.

Salamat kaayo sa suporta ug presentations sa tanan ilabina sa among Redemptorist community, parish staff and workers, mga Pangulo sa Liturhiya, Pangulo sa Katilingban, Social Communications Committee, Pangulo sa Alagad, Pangulo sa Panudlo, LOMAS, Finance Group, and Youth Ministry.

Merry Christmas and a Prosperous New Year! (Marieta Comighud | OMPH SoCCom)