Marriage Enrichment Seminar Batch 26

Malampuson nga nahuman ang Marriage Enrichment Seminar (MES) Batch 26 sa Parokya sa St. Mary of the Perpetual Rosary diin gipangulohan kini sa Family Life and Apostolate Coordinator, Maurillo-Delia Frias. Gipahigayon ang tulo (3) ka adlaw nga MES nga nagsugod kaniadtong November 30, 2018 hangtod December 2, 2018. Ang specific objective sa MES, “Building up the small Christian communities by enriching and strengthening the Christian families.”

Adunay unom ka magtiayon ang nitubag sa maong panawagan sa Parokya nga magpahigayon og MES ug nakahuman sa maong seminar sila: Dionisio-Marlita Daro, Juan-Lilibeth Aunso, Ronnie-Jennifer Daligdig, Ludrino-Evelyn Bulao, Francisco-Cristina Banuos, Martom-Monalisa Lee. Adunay nag-ipon na isip magtiayon sa baynte singko ka tuig.

Gipaambit sa mga MES facilitators ang mga input nga nakadugang sa pagpalig-on sa kinabuhi isip magtiayon ang maong mga topiko: Love and Christian Marriage, Communication in Marriage, Personhood, Johari Window, Maturity in Conjugal Love, Christian Attitude and Sexuality, Parent-Child Relationship, Theology of Marriage, Responsible Parenthood, Family and Community, Transactional Analysis, Economics Aspects, Love Letter Writing, Decalogue for a Happy Family.

Gihuman ang MES Batch 26 sa December 2, 2018 pinaagi sa Santos nga Misa sa alas 5:30 sa hapon nga gipangulohan sa Kura Paroko, Rev. Fr. Dionisio C. Tabiliran. Diha sa Santos nga Misa gipahinumduman sa Kura Paroko ang mga magtiayon nga palig-onon ang ilang kaminyoon pinaagi sa gugma. Pagkahuman sa Santos nga Misa gipahigayon ang Renewal of Marriage Vows ug pagbendisyon sa mga magtiayon. Gisunod dayon ang fellowship night ug hamubong programa diin didto gipaambit sa mga magtiayon ang ilang kasinatian ug pagpasalamat nga sila kabahin sa MES Batch 26 ug ang ilang nakat-unan sulod sa tulo ka adlaw nga Marriage Enrichment Seminar, diin kini ilang gamiton isip giya aron dugang molambo ang ilang kaminyoon. (Hermie Mapute | SMPRP SoCCom)