VSRP Gihatagan og Paglaum sa SKP 2

Gipirmahan na sa nagkalain-laing sektor ug ingon man sa Simbahan ug local government unit representatives ang commitment alang sa community reformation program ubos sa Sagop Kinabuhi Program part two sa Ascension of the Lord Parish kagahapong adlawa.

Atol sa Misa sa alas kwatro ang takna sa hapon, gipadayag ni Arsobispo Romulo Valles ang pagpasalamat ngadto sa kura paroko nga si Fr. Zenon Ampong ug ingon man sa kanhi kura paroko ug Direktor sa Social Action Center nga si Fr. Leonardo Dublan, Jr. tungod sa pagpadayon sa Sagop Kinabuhi Program. Nalipay sa duha ka mga pari Fr. Zenon ug Fr. Bong ilabina sa pastoral thrust on the last Sunday of the Liturgical Year, Solemnidad sa Kristong Hari, ug magsugod na ang bag-ong tuig sa Disyembre 2, unang adlaw sa Adbiyento.

Sa mga basahon, gipasabot ni Valles nga gipadayon ang gingharian ni Hesus samtang sa ikaduhang pagbasa gipadayag ang pagka-hari ni Hesus sukad pa sa sinugdanan ug way katapusan ug ang ikatulo sa Ebanghelyo, dunay katumanan nga mobungkag sa gahom sa dautan ug bag-ohon ang nawong sa tanan.

Si Papa Francisco nag-ingon nga si Hesus hari nga puno sa kaluoy ug compassion ug bag-ohon ang nawong sa mga binuhat.

Ang sunod nga hagit

Gipangutana ni Valles ang katawhan, “kung ang Ginoo Hari, Iya gayud kami. Nag-uswag ba ang atong pagkamasunoron sa kabubot-on sa Diyos? Hari ba siya sa atong kinabuhi?”

Gitudlo niya ang labing dako nga buhat sa Kristong Hari mao ang yukaristiya nga gihingpit pinaagi sa Krus aron nga makabaton ang katawhan sa kinabuhi nga walay katapusan.

“Unsa man ang gahom sa dautan? Klaro kaayo niini mao ang menace of illegal drugs sa kinabuhi sa Pilipinas. Larawan siya sa style ni Satanas, nagsuroy-suroy sa pagtintal. All we can do is bring them back to life through SKP2, Batch 2,” siya midugang.

Busa gihangyo niya ang katawhan ilabina ang katilingban sa Ascension of the Lord Parish nga pagadawaton ug mainitong itimbaya ang mga VSRP kon mga Voluntary Submission of Reformed Persons pinaagi sa pagpahiyom kanila ug dili biay-biayon, hukman o isalikway.

Gipasalamatan usab sa Arsobispo ang presensiya sa duha ka mga Barangay Captains sa 74-A Joel Santes ug representante sa Barangay Pangi ni Benjamin Badon nga si Kagawad Julito Reston.

Sa katapusan, malaumon usab si Valles nga bisan pa ug gamay ra ang makalampos, “All we can do is to bring the power of the kingdom which can’t be measured by the powers of this world because I’m convinced that SKP2 is not our work but work of Christ the King. We will never fully when he will fulfill the love and mercy. The power of love, mercy and compassion. The power of His kingdom will prevail.”