OLLP Bangkal nagpahigayon og Open Advent Recollection

Kapin sa tulo ka gatos ang nanambong sa Open Advent Recollection nga gipahigayon sa Parokya sa Our Lady of Lourdes sa Bangkal niadtong Disyembre 1, sa 7:30 p.m.-9:00 p.m., diin nubenta porsiyento niini nga pangulo agi ug pagpangandam sa pagbalik sa Diyos nga moanhi aron kita maluwas, pero wala mobiya kanato.

Nindot ang han-ay ug unod nga gipaambit ni Recollection Master Rev. Fr. Marbendear Morallas nga maoy nahimong giya sa among pagpamalandong. Ang topic wala nagfocus sa Adbyento, gihatagan usab ug highlight ang pasko sa pagkatawo sa atong Ginoo diin ang pasungan matod pa ni Fr. Marbendear usa ka lugar nga tawhanon nga nasinati sa atong Ginoo ug kini nagsimbolo sa spiritohanong kakabus sa kalibutan. Ang bitoon nagsimbolo sa kasinatian sa tawo sa pagpangita sa Ginoo sa simpleng pamaagi. We are reminded that life is a journey to something greater. Christmas allows us to journey further, dili na mobalik sa dating daan. Sa iyang pagpadayon iyang giimbitahan ang mga nanambong nga tudluan ang mga kabataan nga saulugon ang Pasko nga may kabuluhan, a meaningful Christmas by doing a little act of kindness… Christmas is always attached to giving. Service is not doing but self-sacrificing. Ug kadtong naay mga nasilo nga kabubut-on, surprise them by your love. Peace is the greatest gift… war begins because of hatred and selfishness.

Agi ug pagtapos sa kalihokan giawhag ni Rev. Fr. Leonie H. Espana ang mga ginikanan nga maggahin ug panahon nga tapokon ang mga anak. Ug panahon sa panagtapok mangayo ug pasaylo ang mga ginikanan sa mga kakulangan ug vice versa, ang anak ngadto sa ginikanan kay walay perpekto nga ginikanan ug anak. Buhaton kini sa dili pa moabot ang Pasko. (Vinny G. Bajo | OLLP SoCCom)