Renewal seminar sa mga GKK GSL, Formation and Worship Ministries

Matud pa, aron mabati ug mabatunan sa usa ka lider ang mga buluhaton sa ministriya diin siya gipili, kinahanglan nga mopailalum kini sa pag-ila sa kaugalingon ug pagbag-o sa panaad.

Uban sa mga kaparian, mga madre ug GKK Coordinators sa parokya sa San Pedro Cathedral, nagpahitabo sila ug Renewal Seminar sa nagkalainlaing ministriya (GKK-GSL, Worship & Formation Ministry) niadtong November 27-28, 2018 sa auditorium diin gitambungan kini sa dili moubos sa 250 ka mga partisipante o lideres sa nagkalainlaing katilingban/ministriya.

GAUDETE ET EXSULTATE mao ang ikatulong apostoliko nga pag-awhag ni Pope Francis, “ang tawag sa pagkabalaan sa kalibotan karon”. Kini nagpunting sa mga kinaiya, kalig-on, pagsalig ug pagtoo sa mga lideres diha sa kasamtangang panahon.

Ang unang gabii gipaambit ni FR. RAUL NIEVES mao ang “the Call to Holiness o Tawag sa Pagkabalaan”.

Ang ikaduhang adlaw “Signs to Holiness in today’s world” o Mga ilhanan sa pagkabalaan sa kalibotan karon, gihatag ni FR. VOLTAIRE DIMOL, Pagpamatuod, Kasayuran, ug Pagkabanhaw.

Ug sa ikatulong adlaw, “Two subtle enemies of Holiness” o Duha ka malanganon nga mga kaaway sa Pagkabalaan, kini usab gihatag ni REV. JASPER.

Ang kinatibuk-an naghulagway kini sa mga timailhan ug espirituhanong mga kinaiya, nga mabuhi kita isip Kristiyanos, diha sa pag-ampo nga puno ug pagsalig, diha sa pagkabalaan nakaangla sa balaang pulong sa DIOS ug ang matinud-anon nga debosyon kang Birhen Mama Maria ug sa Eukaristiya.

Nindot nga pagpaambit, kay nakapukaw kini sa mga nagkalainlaing kina-iya sa mga lideres aron mamahimong epektibo diha sa pag-alagad sa atong GINOO ug sa iyang Katawhan. (Rosalinda C. Jabonillo | SPC SoCCom)