Katapusan

Unang Domingo sa Adbiyento
Jer. 33:14-16 / Thes. 3:12-4:2 / Lk. 21:25-28, 34-36 / Ps. 25:4-5, 8-9, 10, 14

Ang tanang butang adunay katapusan. Bisan unsa pana adunay katapusan gayud kana. Mapa.storya, love story o pelikula. Bisan gani kinabuhi aduna gayuy katapusan. Mao nang dili kaayo dapat mabalaka kung adunay mga nahiaguman nga mga dili kaayo maayo nga kasinatian kay ang tanan matapos ra.

Ang atong ebanghelyo karon kay nagsaysay mahitungod sa katapusan sa kalibutan. Ang kalibutan matapos ra. Apan sa dira lang ba kutob ang tanan? Katapusan meaning kagubot o pagkabungkag? Dira lang ba jud taman? No. Dili gayod. Tinuod matapos ang kalibutan apan mao na kana ang pagbalik ni Hesus. Diin iyahang waksion ang kangitngit nga atong mahiagoman ug ang kahadlok na atong mabati. Siya ang magdala sa kahayag na walay pagkapalong ug kalipay na walay kahumanan. Tinuod mabungkag ang atong kalibutan na nahibal.an apan ang moabot ang kalibutan na mas labaw pa aning kalibutana. Diin wala nay kahumanan ang tanan. Ang kalipay kay permanente na. Ang kahayag magsiga sa kanunay.

Apan kanus.a kini mahitabo? Walay nasayod ni bisan kinsa. Mao nang dapat ta magtugaw pirminti. Dapat nga mangandam pirminti. Dapat atong paningkamotan na sa dihang maabot si kristo pag usab makaplagan ta niya nga andam na modawat kaniya. Ang pasabot capable kita na mahigugma ug higugmaon sa Ginoo ug ang atong mga isig kaingon. Mao ng dapat mangandam pirminiti. Kay mao kini ang ang tema sa adbyento. Karon mao ang unang dominggo sa adbyento. Andamon ang kaugalingon sa pag-abot ni kristo. Aron kung moabot sya nakita kita na nag.ampo ug nahigugma sa uban.

Matapos ang tanan tinuod. Pero dili dapat kini ang focus. Ang focus dapat andam on ang kaugalingon kay aron inig abot aning katapusan maapl ka sa gibalikan sa Ginoo. Maapil ka sa mga pinili nga makauban niya sa iyang gingharian hangtod sa kahangtoran. Dapat ang pangutana andam bako kung moablik na ang Ginoo karon dayon? Kung panahon na nga andamon ang atong kaugalingon. (Rev. Marvin del Campo)