Buhata ang sakto karon

Ika-33 nga Domingo sa Ordinaryong Panahon
Daniel 12:1-3 / Hebreo 10:11-14, 18 / Markos 13:24-32

Ang mga pagbasa karon nagsulti kanato mahitungod sa atong kaugalingong kamatayon ug mahitungod sa katapusan sa kalibutan. Naghisgot usab sila kon unsaon pagpadayon sa pagkinabuhi kung adunay daghang dautan nga nahitabo sa kalibutan.

Ang una nga pagbasa, gikan sa Libro ni Daniel, naghisgot mahitungod sa mga panahon diin adunay dakong kahigwaos sa mga nasud. Kini naghisgut sa usa ka panahon nga moabut nga ang tanang natulog sa yuta mabuhi aron mabuhi sa walay kataposan. Ang uban mahimong makalilisang ug kaulawan. Kini nga matang sa literatura gituyo aron sa paghunahuna kanato mahitungod sa katapusan nga mga panahon, mahitungod sa atong kaugalingong kamatayon ug mahitungod kung unsa ang gipasabot dinhi sa atong mga pamaagi sa kinabuhi.

Sa atong ikaduhang pagbasa kini naghisgut mahitungod sa sakripisyo ni Kristo, sa makausa ug alang sa tanan, nga nagdala sa kapasayloan sa mga sala ug ang kapasidad sa pagpuyo sa Dios uban sa diosnong kinabuhi. Tungod kay si Cristo namatay alang kanato, dili na kinahanglan ang kahadlok sa impyerno. Makasalig kita sa Iyang pagpasaylo. Ang hagit, siyempre, mao ang pagtuo Kaniya ug paghigugma sa Dios ug sa atong silingan. Kini nga pagtagbo sa Dios ug sa silingan mahitabo adlaw-adlaw sa atong ordinaryo nga mga kinabuhi. Matag adlaw makapahunong kita sa makadiyut ug tan-awon lang ang atong relasyon sa Dios ug sa bisan kinsa ug sa matag usa kinsa miabut sa atong mga kinabuhi.

Ang Ebanghelyo nagdala kanato sa pagtan-aw pag-usab sa katapusan sa kinabuhi ug sa katapusan sa kalibutan. Kana ba nakaapekto sa atong kinabuhi? Si Jesus nagsulti kanato nga ang maalamon nga mga tawo makahimo sa pagtan-aw kon unsa ang nahitabo sa ilang palibot ug ila kining nasabtan.

Ang pangutana Nakasabot ba kita?

Aron ato kining masabtan, muhunong kita sa makakadyot sulod sa lima ka minuto ug maghunahuna nga kita mamatay sulod sa lima ka mga minuto. Unsay atong hunahuna sa atong kinabuhi samtang kita nagpuyo niini? Andam ba kita nga makigkita sa Ginoo? Aduna bay mga tawo nga kinahanglan natong pasayloon? Nagkinahanglan ba kita og kapasayloan sa uban?

Gawas sa Dios Amahan, walay laing nasayod sa adlaw o takna sa katapusan sa kalibutan. Tingali mao kini ang pamaagi sa Dios sa pagsukod unsa gayod kita kamatinud-anon ug kamaunongon Kaniya. Kasagaran kanato dili motrabaho sa gimbuhaton kon layo pa ang “deadline” nga adlaw. Aduna kitay kinaiya nga mag-relax una tungod kay maghunahuna kita nga aduna pay igong panahon. Ug tungod niini, daghan kanato mahutdan sa panahon o mamatay nga daghan og “unfinished projects”. Ang tinago nga adlaw sa pag-abot sa Ginoo mao ang maghagit kanato sa pagpuyo sa kinabuhi nga kanunay’ng andam sa adlaw sa paghukom. Busa, buhaton na nato ang sakto karon, ug dili na kita magpaabot pag ugma pohon. (Rev. John Patrick Pelonio)