Managlahi ang panagway, managsama ang tumong

Nagsaulog sa ika-14 ka tuig nga anibersaryo ang katilingban sa St. Anthony GKK nga sakop sa St. Francis of Assisi Parish La Verna sa pag-abot sa Divine Mercy Image sa maong katilingban niadtong Oct. 23, 2004 nga naggikan pa sa Lagao, General Santos City pinaagi sa pamilya Sojor nga maoy nahimong instrumento diin ang Divine Mercy Devotion mikaylap sa tibuok katilingban ug sa mga kasikbit niini. Hangtod nga nilambigit usab ang mga deboto sa mga kalihukan sa parokya ug sa Archdiocese sa Davao.

Ang pagdebosyon sa Diosnong Kalooy usa kini ka gasa sa atong Langitnong Amahan diin si Hesukristo gayud mismo maoy nagmugna niini matod pa ni Mrs. Alodia Sojor nga maoy gihimong instrumento nga miabot ang debosyon dinhi sa katilingban sa St. Anthony busa ipadayon kining pagdebosyon aron daghang mga kaigsoonan ang mahigmata ug mo-embrace gayud sa Diosnong Kalooy.

Karong tuiga ang ikaduhang tuig diin gihimong house to house ang 9 days Novena matag gabii usa moabot ang anibersaryo. Pagka siyam kaadlaw gihimo ang prosisyon sa imahe gilibot sa tibuok katilingban sa kaadlawon ug human sa maong prosisyon adunay fellowship sharing of food ang mga nanambong niini.

Malipayon ang matag usa nga nanguli uban ang panghinaut nga daghan pa ang molambigit sa mga kalihukan sa Divine Mercy Apostolate ug mapakaylap kini sa tanang mga Katolikong Kristiyano sa tibuok kalibutan. (Sylvia Gamaya Orbeta | SFDA SoCCom)