PSK and other GSLs Archdiocesan Gathering

(Excerpt from the homily of Archbishop Romulo G. Valles, D.D., during the PSK and other GSLs Archdiocesan Gathering with the theme, GSLs Nagapanaw Uban sa Pundok sa Kabatan-onan sa Kinabuhi ug Misyon sa Simbahan Diha sa GKK, in Ateneo De Davao University, Jacinto Street, Davao City, October 27, 2018.)

Atong daygon ang Dios. Alleluia, alleluia!

Kining higayona karon, magtan-aw kaninyo nga nagkapundok karong adlawa, karong hapona, usa ka moment of pride, I can speak for myself of a bishop. Swerte kaayo ko nga arsobispo sa Davao, uban kang Bishop George, uban sa inyong mga pari nga makakita ug makasinati sa asembleya nga sama niini. Talagsaon kini.

Ang ubang mga Obispo sa Pilipinas, tungod kay ang GKK, ang BEC, pormal man na nga giingon, nga gibungat gyud sa kadagkoan sa simbahan, labina pinaagi sa PCP II, kadungog mo ana nuh, nga ang pag-umol, pag-organisar, pagpalambo sa mga GKK o BEC mao ang usa sa importante nga buluhaton sa mga lokal nga simbahan, mga Archdioceses ug Dioceses sa Pilipinas nga bantayan gyud na, i-promote gyud nang pag-ugmad, pagpalambo, pagtukod sa GKK. Estoryahi! Estoryahi na sa uban apan dili sa Davao.

Gamay ray nagghago niini, sila Bishop George, Fr. Pete, sila Vicky, kadtong mga tig-meeting niini, kadtong Sabado nga saba kaayo, nga bibo kaayo didto sa balay, kusog mangaon. Mao nang mga tawhana naghago niini, nag-organize. Unya dili ko makatoo nga mahitabo kini. First time nga gipili mga top leadership, magdumala sa atong mga GKK, mga 3,500 na, mga kinyentos kapin, kita nga mitambong karon, mga Pangulo sa Katilingban (PsK), Parish Youth Core Group, GKK Finance Committee, unya Tigpasayon sa Pundok Banay (TPB), unya giimbitar pud ang Parsih SoCCom Coordinators, unya dunay special presence sa mga Grade 8 students sa Ateneo de Davao University, naa sila. Ateneo students ma-classify, duna tay mga Parish Youth delegates gipun-an sa particular nga sektor, interesado ang Catholic University sa Ateneo de Davao nga makasimhot pud sila, makakita, makadungog sila sa paghisgot sa Youth Ministry, ang iyang luna sulod sa kinabuhi sa GKK, ang young people of Ateneo de Davao nakig-uban kanato karon, interesado kaayo sila kay they are also part of the faithful, mga matuohon sa Archdiocese sa Davao most of them. Nalipay akog dako nga dunay particular nga flavor kay naghisgot man tag papel, luna sa mga batan-on sa kinabuhi sa GKK, anaa ang presence sa atong mga Ateneo de Davao students.