Tabang alang sa Zamboanga gipanawagan

Ang Silsilah Forum, usa ka grupo alang sa kalinaw nga naka-base sa Zamboanga City nanawagan og tabang alang sa mga biktima sa standoff sa maong syudad.

Aduna silay booth didto sa Abreeza Mall Davao Robinson’s Supermarket.
Kini ang mga panginahanglan sa mga lomulupyo sa Zamboanga City.
Children: Milk, Diaper, Toys. Adults: Toiletries (toothbrush, toothpaste, sanitary napkins for women, soap, etc.) banig, malong, basic medicines.

Sa mga gusto muhatag og cash donations, pwede ipadala kini sa Silsilah Foundation Inc. savings account: Philippine National Bank (PNB) – Climaco Branch, Zamboanga City Acct. no. 3471-1650-0148.
Ang Silsilah Dialogue Movement gisugdan sa Zamboanga City niadtong 1984 ug naglunsad sa Silsilah Summer Course on Muslim-Christian Dialogue niadtong 1987. Niadtong 1996, gi-apil na ang maong summer course sa Silsilah Dialogue Institute (SDI) nga naga-offer og courses, seminars, trainings, trainers’ trainings ug exposure-immersion program.

Sa nahitabong standoff sa Zamboanga City, ang Emmaus Padayon Center sa Silsilah maoy gihimong base camp sa MNLF. Didto gipapuyo sa mga MNLF ang mga civilian hostage nila ug sa karon, gigamit na sa mga Military isip kampo nila alang sa ilang clearing operation.