Panacan Parish mitambong sa bihilya alang kay Padre Pio

Sa milabay nga Martes, Octubre dieciseis (16), 2018, bisan pa sa kakusog sa ulan ug kataas sa linya, nagpanon ang mga parokyano sa San Miguel Parish Panacan didto sa San Pedro Cathedral, aron personal nga makita ug mahikap ang “incorrupt heart” ni St. Padre Pio.

Gatusan usab ka mga parokyano ang nag-vigil sa alas nueve (9:00) hangtod alas diyes (10:00) sa gabii nga schedule, apan kasagaran miadto kini ug sayo aron sa veneration. Alas nueve (9:00) sa susamang higayon naghalad ug pag-ampo sa Santos nga Rosaryo. Paghuman nagtapok kini kadali ug nag-inambitay sa tagsa-tagsa ka mga kasinatian sa pagbisita sa incorrupt heart ni St. Padre Pio. malipayon gayud ang mga parokyano sa talagsaon nga higayon aron personal nga masaksihan ang kabalaan ug kamilagroso niini.

Dako ang kalipay sa Kura Paroko nga si Fr. Edsel Paloma tungod sa kadaghan sa mga parokyano sa San Miguel ang migahin sa ilang panahon aron sa pag-adto sa San Pedro Cathedral. Ug siya nanghinaot nga unta ang usag-usa adunay kasing-kasing nga susama kang St. Padre Pio nga magpadayon sa paghigugma sa atong Ginoo. (Liz Jenssen)