Sunod-sunod nga pasabog sa Dacudao: Naka-alarma sa mga Batan-on

Sulod sa magkasunod-sunod nga Domingo, dakong panghitabo alang sa mga batan-on ang gipahigayon sa Mary Help of Christians Parish sa Dacudao, Calinan agi ug pag-Echo sa World Youth Day 2013. Nagsugod niadtong Domingo, September 15, 2013 ang unang Zonal Youth Day sa parokya gipahigayon. Nasundan kini sa lima pa ka ingon niini sa musunod nga semana alang sa unom ka zona aron makasinati ang mga batan-on sa panghitabo sa miaging panagtigom sa mga batan-on didto sa Brazil.

Ang usa ka delegado sa miaging World Youth Day nga si Raul Labuan, Jr. nga gipadala sa parokya, namuno niining maong kalihokan. Iyang gilarawan ug gipatilaw sa mga partisipante ang mga kalihokan didto apil ang pagtudlo sa theme song, ang mga actions songs, mga talks ug sharings, lakip ang mga pictures ug kasinatian. Mora sab ug naka-adto sa Brazil ang mga batan-on ilabi na gyod nga ang tema niini nagkanayon: “Go and make disciples of all nations….. An Echo of the World Youth Day 2013…. From Rio de Janeiro to Dacudao, Davao City, Philippines.”