Don Bosco Mati garners TESDA regional award

MATI CITY – Sa labing ulahing awarding sa Technical Education and Skills Development Authority (TESDA) alang sa mga labing modelong institusyon sa matag rehyon, para sa Rehyon XI sa Davao napili ang Don Bosco Training Center (DBTC) Mati, Inc. nga gipangulohan sa mga kaparian ug brothers sa Salesians of Don Bosco (SDB).

Gidawat ni Fr. Rey Jude Albarando, SDB, local superior sa Comunidad Salesiano sa Mati ang naasoyng Region XI Institution Category Kabalikat Award alang sa ilahang tulunghaan, ang DBTC sa Mati Cty.

Sumala ni Fr. Albarando, sa maong panghitabo gikutlo ang giingong pamosong tagline sa DBTC nga “Trained to be, trained to do, trained to build”—nga matud sa Tesda nahimong kusug nga tingog sa motibasyon alang sa mga kabus apan may takos nga estudyante pinaagi sa paghatag kanila og technical-vocational training sa mga kurso sa Animal Production NC II, Shielded Metal Arc Welding NC II, Horticulture NC II, Automotive Servicing NC II, Machining NC II ug Driving NC II nga napalgang mahinungdanon gayud alang sa kalambuan ug lapad nga managlahing natad sa pag-empleo.

Gidugang nga gawas sa Tech-Voc education services, ang DBTC usab nagahatag og spirituhanong kausaban, on the job training, personal development assistance, ug training alang sa kaugalingnan nga negosyo kon entrepreneurship.
Gihimo ang TESDA awarding atol sa ilahang ika-19 nga kasumaran o anibersaryo niadtong Agosto 25, 2013 sa kaulohan kon diin nag-una sa pag-ila sa mga Kabalikat awardees ug pagtunol sa nagkadaiyang mga award sila si Secretary Rosalinda Dimapilis-Baldoz sa Department of Labor and Employment (DOLE) ug Tesda Director Emmanuel Joel J. Villanueva..
Sa laing bahin, sa mao gihapong anniversary celebration, gi-awardan usab ang mga regional winners sa Legislative Category ug ang mga indibidwal nga “Idols ng Tesda”.

Para sa Rehyon XI, napili alang sa Legislative Category ang 1st Congressional District of Davao City ubos ni Representative Karlo Alexei B. Nograles diha usab sa iyang mga “Oplan Kaalam, Oplan Kabuhayan, ug Oplan Kalamboan”—mga investment, matud pa sa iyahang Priority Development Assistance Fund (PDAF).
Ang Region XI Tesda Idol sa Wage-Employed Category mao si Mr. Ryan J. Hibaya, usa ka Food and Beverage Services Department Head ug part-time Trainer sa iyang Alma Mater, Davao NorthPhil Institute of Technology (DNIT) sa Tagum City.

Si Mr. Eugenio “Boy” R. Abunda, Jr., founder ug chairman sa “Make Your Nanay Proud Foundation” maoy miluwat sa inspirational message.