Ang Tinugyanan sa among Parokya

Sa pagsaulog nato karun, diha sa “Tuig sa mga Kaparian ug mga Relihiyoso”, kami dinhi sa San Pedro Cathedral nagagahin ug oras alang sa pakiglambigit sa among mga kaparian hilabina gayud sa among Parish Administrator nga si Msgr. Leonardo Vicente. Si Msgr. usa ka yanong pari nga dali ra nimo madoolan, maloloy-on ug masultihan sa among mga problema, ug diha sa mga kalihukan sa katilingban, sama sa ubang mga kaparian dili usab siya mobalibad sa pag suporta.

Matag Domingo, adunay gipahitabo nga mga Zone Mass, nga kung siya ang naka schedule nianang maong GKK, kinahanglan nga kumpleto ang mga lideres kay mag roll call man siya. Ang nakanindot kay sa matag usa kanamo’ gibati ang pag-pangga niya ang mga liders kay gipangita man niya ang presensya diha sa maong tapok.

Diha usab sa mga Deacon ug Seminarians, nalingaw sila sa ilang pakig-uban kang Msgr. Nards tungod sa ilang mga nakat-unan, ug makat-unan panahon sa Santos nga Misa, nakita namo ang kahiusahan diha sa ilang pakig-uban kaniya.

Mao nga karung tuig sa mga kaparian ug mga relihiyoso, kami maga-ampo nga ihatag pa sa Ginoo ang Grasya alang kanila, ang maayong panglawas, malikay sa tentasyon, ug nga molahutay diha sa ilang misyon. (Rosalinda C Jabonillo | SPC SocCom)