Bokasyon gituki sa Obispo atol sa kompirmasyon

33 ka mga kabataang lumad sa Malita Tagakaulo Mission Station sa Dimoluk, Malita Davao Occidental ang mi dawat sa sacramento sa kompirma niadtong Sabado Oktubre 06, 2018 pinaagi sa Obispo sa Diocese sa Digos nga si Bishop Guillermo Afable, DD.

Panghinaot sa obispo ngadto sa kabataan nga kung mo abot na gani ang hustong panahon nga sila mo sulod sa kaminyoon, pilion nila ang hustu nga tao aron ilang makauban sa kinabuhi.

Sumala pa nga kung maka pili sila ug pamanhonon o pangasawaon nga labad sa ulo, dili lamang sila ang maka lolooy, apan lakip na ang ilang mga anak.

Apan mipasabot ang obispo nga gawas sa kaminyoon, aduna pay laing bokasyon, pinaagi sa simbahan naga pili ug naga padala ang Labawngmakagagahom ug pari ingun man madre ug mga relihiyuso nga tao aron mo himo sa misyon.

Dugang sa obispo nga adunay posibilidad nga gipili sila sa Dios nga mamahimong pari ug relihiyuso, gani sumala pa sa obispo nga kaniadto wala siya magtuo nga tawagun sa Ginoo sa maong bokasyon, apan usa siya sa Nahinong pinili nga mag alagad.

Mi awhag ang obisopo nga ug kung madungug sa kabataan ang tingog sa Dios dili sila angay nga mahadlok tungud dili kini dautan, usa kini kabulahanan dili lang usab alang kanila apan lakip na sa simbahan.

“Gikan sa gasa sa pagtuo, ang padulngan niini gasa sa pagpangalagad, pag alagad kamo sa tagsa-tagsa ninyo ka kahimtang sa kinabuhi ngadto ba sa kaminyoon, pagka pari o relihiyoso ug relihiyusa” sigun sa Obispo.

Nahibaloan nga 30 na ka tuig human gi sugdan ang misyon sa lugar pinaagi sa misyonero nga mga Paring Canadian, apan wala pay napari gikan sa Dapit.