14th Diocesan Catechists’ Convention gipahigayon sa Mati

Niadtong Septyembre 24-26, 2018 mao ang ika-napulog upat nga panagtigum sa mga katekista sa Diocese of Mati uban sa tema: Saints Together in Love, Service and Forgiveness. Ang panagtigum gipahigayon sa Milagrosa Formation Center, Pahamotang, Matiao, Mati City ug gitambongan sa 665 ka mga delegado gikan sa nagkalain-laing parokya nga sakop sa diocese. Giablihan kini sa usa ka Santos nga misa ni Most Rev. Abel C. Apigo, D.D. nga gipahigayon sa San Nicolas de Tolentino Cathedral uban sa mga kaparian sa Diocese sa Mati. Human sa Santos nga Misa gihimo usab ang Welcome Night nga diin mipasundayag ang mga katekista gikan sa Parokya sa Boston, Parokya sa Divine Mercy, ug Carmelite Missionary Youth uban sa partisipasyon sa 28IB Kamagong Band.

Sa ikaduhang adlaw, adlawng Martes, alas 6 sa buntag ang Santos nga Misa nga gipangulohan ni Bishop Emeritus Patricio H. Alo, D.D. ug ang mipaambit sa homiliya mao ang Diocesan Catechists Director, Rev. George Cajes, Jr. ug sa pagpadayon sa mga kalihokan sa alas 8 sa buntag gihatagan ug gibug-aton ang unang Topic nga gihatag ni Bishop Abel C. Apigo mahitungod sa tema: Saints Together in Love, Service and Forgiveness ug sa Topic usab nga gihatag ni Rev. Fr. Nestor Morata mahitungod sa Catechists Agents of the New Evangelization. Ang pagkabalaan, kahiusahan sa gugma, pag-alagad ug pasaylo maoy huptan ug puy-an sa mga katekista. Human sa mga topic gisundan sa usa ka Catechists Trivia pagkahapon nga diin nalingaw pag-ayo ang mga katekista nga mipakita sa ilang mga abilidad ug talento ilabina diha sa pagtubag sa mga pangutana mahitungod sa bibliya ug sa kinabuhi ni San Lorenzo Ruiz nga mao ang patron sa mga Katekista. Sa ikaduhang gabii gihimo ang Agape Night nga gitambongan sa mga bisita, mga kaparian ug sa duha ka obispo, Bishop Abel C. Apigo ug Bishop Patricio H. Alo ug human sa panagsalo sa panihapon gisunod ang Coronation Night diin gikoronahan ang Rayna nga gikan sa parokya sa San Vicente Ferrer Parish Lupon nga si Ms. Jerlinda Mae Tordill apil ang 1st Princess gikan sa Parokya sa Caraga ug ang 2nd princess gikan sa Parokya sa Cateel. Adunay 19 ka mga kandidata ang mipaso niadtong gabhiona.

Sa ikatulong adlaw sa maong convention sayo sa kabuntagon gihimo ang Morning Prayer sa tanang katekista ug human sa paglitok ug pag-ampo sa himno sa Salmo ug pagpadayag sa mga katilingbanong pag ampo, gisundan kini sa usa ka Zumba Dance ug nalingaw ug naugnat ang kusog sa mga katekista. Gihimo usab ang usa ka testimony sa usa ka katekista gikan sa Parokya sa Boston nga mipaambit sa iyang kinabuhi isip usa ka katekista nga diin siya usab usa ka ALS TEACHER nga bisan sa kalisod sa kinabuhi wala kini makababag sa hagit kaniya isip katekista nga diin daghan na siya ug natabangan ug human sa iyang pagpaambit iyang giawit ang Awit sa Ina ng Santo Rosaryo nga nabati sa mga katekista ang tiunay ug tim-os nga pag-alagad ug wala nila kapugngi ang paghilak tungod sa kasinatian sa maong katekista. Adunay kapin sa 50 ka mga katekista nga gihatagan ug Certificate of Recognition kadtong mga katekista nga miabot sa 25 ka tuig pataas. Ug sa katapusan si Bishop Abel C. Apigo, D.D. mao ang nangulo sa Culmination Mass uban sa mga kaparian, ug gisunod ang pagblessing sa statue ni Sr. San Lorenzo Ruiz. Nahuman ang maong convention uban sa kamaya ug kadasig sa mga katekista. (Sr. Eva Marie Tabugoc)