24th Parochial Fiesta San Miguel Parish Panacan, 17th Araw ng Panacan

“SAN MIGUEL ARKANGHEL GIYA SA PAGLAMBO SA PAGTUO UG GUGMA” Mao kini ang tema sa ika veinticuatro (24) ka tuig nga kapistahan sa San Miguel Parish Panacan, Septiyembre 29, 2018. Dungan sa selebrasyon gisaulog usab ang ika diecisiete (17) ka tuig sa Araw ng Panacan. Ang kinauyukan sa maong selebrasyon mao ang pag instalar sa bag-ong Kura Paroko nga si Fr. Edsel Paloma. Ang misa gisugdan sa alas ocho y media (8:30) sa buntag, paghuman sa gihimong Civic Parade.

Ang Mass Presider mao si CBCP President Archbishop Romulo G. Valles, D.D.. Human sa Misa nagpahigayon og fellowship lunch ang parokya ug ang nueve (9) ka zona alang sa mga bisita ug mga parokyano. Nagpahigpayon usab og padula ug kalingawan ang mga Pangulo sa Batan-on (PSB) didto sa Parish ground. Ug sa alas tres sa hapon gisunod dayon ang dula sa basketball didto sa Landmark 3 sa grupo sa Davao Clergy vs. GSL Selection. Gihuman ang selebrasyon pinaagi sa religious night didto sa Function Hall 2 sa sulod sa parokya. Personal nga gipasalamatan sa bag-ong Kura Paroko si Archbishop Romulo Valles nga bisan pa man sa iyang ka-busy mihatag gayud ug higayon sa pagduyog sa kapistahan, ug sa pagsalig sa pagtugyan kaniya sa pag amoma sa pagtoo sa mga parokyano sa Panacan. Siya nagpasalamat labaw sa tanan sa pagpasabot sa pulong sa Dios, sa homily diin gipatin-aw ang pagsabot sa patron nga si San Miguel Arkanghel ug sa pagpahaum sa inadlaw adlaw nga kiababuhi sa kalibutan. Gikalipay usab ug gipasalamatan ni Fr. Edsel Paloma si Msgr. Jimmy Gamboa sa pagpasayon sa iyang instalasyon sa pagka kura paroko. Gipahibalo sa kura paroko nga ang San Miguel Parish Panacan adunay singkwenta y uno (51) ka GKK, setesentos diecesiete (717) GSL, upat (4) ka marian movements, dose (12) ka organisasyon, setenta y ocho (78) ka altar boys ug ang tulo (3) niini nagpadayag nga musolod sa seminaryo ug adunay tulo (3) ka existing seminarians.

Gipa ila-ila ug gipasalamatan usab ang mga bisita nga mga kaparian nga nakigduyog sa misa sa kapistahan nga sila Most Rev. Fr. Orlando Angelia, Fr. Dioscoro Saniel, Rev. Ramon Jamora, Fr. Amoroso ug Fr. Jhun Gimeno. Nagpasalamat usab sa Barangay Council sa Panacan ug Barangay Council sa Sasa sa paghalad ug pagsuporta sa parokya ni San Miguel sa Panacan. (Liz Gilbuena | SMP SoCCom)