Peace 911 caravan gipahigayon

Gimugna sa atong halangdong Mayor sa Davao City nga si Mayor Inday Sara Duterte ang PEACE 911 alang sa Paquibato District. Gilangkoban kini sa 13 ka barangay sa Paquibato ug isa sa Calinan District.

Ang naapil niini nga isa ka barangay sa Calinan mao ang Barangay Dominga. Kini nga programa para sa pangkalinaw ug pag-asenso sa maong distrito. Gilangkoban kini sa kada barangay: kapitan, Barangay secretary, women, farmers, youth, religious sector ug IPs. Ug gibahin kini sa upat ka clusters, matag cluster naay 4 ngadto 5 ka barangay.

Gimugna kini para mapadali ug hatag ang mga programa sa gobyerno para sa Paquibato District. Kini nga caravan gilangkoban kini sa mga nagkalainlaing mga ahensya sa gobyerno sama CSSDO, City Health Office, City Veterinary, City Agriculture, City Cooperative Development Office, City Engineer, City Economic, City Tourism ug CENRO.

Ug naapil na dinhi ang AFP sa 16th-IB and 89th-IB ug spokesperson sa Peace 911 mao si Atty. Eliza Lapiña. Nagsugod kini niadtong Mayo 10 sa Paquibato proper ug ang president niini mao si Kapitan Jessie Candia Areja, barangay kapitan sa Malabog.

Daghan nang caravan ang nabuhat sa Peace 911 ug sama niadtong Sabado September 15, 2018, didto gipahigayon ang caravan kay isa sa barangay Dominga ang naapil sa Peace 911 para mahatod sa ilang lugar ang mga programa sa gobyerno sama sa City Health naghatag og libre nga checkup ug ibot sa ngipon, City Agri naghatag og mga seedlings, CSSDO naghatag og consultation, City Cooperative naghatag og information nga tanang membro sa barangay makaapil sa coop, AFP sa 16th-IB naghatag og libreng gupit sa mga taga Barangay Dominga.

Gi-welcome ni Kapitan Ivy Marie Loma Lumandas ang mga bisita ug mga tao sa ilang barangay. Mapasalamaton siya kay Mayor Sara Duterte niining programa nga mahatod gayod diri sa ilang lugar. (Imelda C. Overiz)