Gugma ug misyon sa katilingban

Tungod sa misyon nga mapa-ambit ug masinati sa tagsa-tagsa ka katilingban nga nahisakop sa San Pedro Cathedral ang mga pulong, ug ang dakong gugma kanato ni Birhen Maria, nagkatapok ang mga Facilitator ug ang mga Formator sakop sa Formation Ministry sa maong parokya niadtong Byernes hangtod sa Sabado, didto sa Meridian by the Sea, Dumoy, Toril, dinhi sa Davao.

Ang tulo (3) ka Ministriya nga Family and Life Apostolate (FLA), Charismatic Ministry ug ang GKK Formators nagkahiusa nga magpatigayon ug usa ka Orientation Seminar nga may kalambigitan sa gipahitabo nga tulo (3) ka adlaw nga Mercy & Mary Retreat nga si Fr. Michael Gaitley, MIC ang nahimong mamumolong niadtong panahuna.

Ang maabtikong pari usab sa San Pedro Cathedral nga si Rev Fr. Voltaire Demol, ang naghatag sa maong seminar. Nindot
ang maong panagtapok kay adunay pagpaambit diha sa matag grupo nga nahitabo. Dili diay kinahanglan nga magpa membro kita sa usa ka Marian nga grupo aron mapakaylap ang gugma ug kalooy ni Birhen Maria kundili, ang atong kasinatian diha sa atong pagpuyo sa gugma ug kalooy nga atong naambitan, mao kato ang atong ipakaylap.

Dako kayo ang among pasalamat kang Msgr. Leonardo “Nards” Vicente sa walay puas nga suporta sa matag kalihukan diha sa among parokya. (Rosalinda Jabonillo | SPC SoCCom)