Build Build Build Program suportado sa nagkadaiyang ahensya

Agi ug pag suporta sa Build Build Build Program ni President Rodrigo Duterte sa nasud human siya makalingkod sa pwesto, ilabina nga wala’g tuo ang gihimong mga infrastructure projects, nagkahiusa ang nagkadaiyang ahensya aron madunol ang mga gikinahanglan aron kini magmalampuson.

Niadtong Agosto 17, 2018 gilunsad ang Multi-Partnership Project alang sa Build Build Build Program, sa Sacred Heart of Jesus Parish Bo. Obrero, Dakbayan sa Davao nga gipanguluhan sa TESDA XI ug suportado sa Commission on Higher Education, Department of Education, Department of Local and Interior Government, University of Southeastern Philippines, Department of Trade and Industry, Philippine National Police, Local nga panggamhanan sa Dakbayan, Construction Firms, ingon man ang parokya ilabina sa pagpanguna ni Rev. Fr. Bong Gonzaga, DCD.

Sumala sa atong nahinabi nga si TESDA 11 Regional Director, Engr. Lorenzo G. Macapili, nga mag train sila ug daghang contruction workers pinaagi sa nagkadaiyang technical team, sama sa masonry, carpentry, electrical, plumbing ug uban pa, sa kamatooran nga kuwang ang mga highly skilled workers sa kasamtangan.

Niadtong adlawa atol sa paglunsad, migudukog sa bagang duot sa aplikante aron gusto makasalmot sa gitanyag nga scholarship program, apan mibutyag si Macapili nga ila una nga paga tan-awon ang aplikasyon kung unsa ang ilang gusto nga matun-an nga mga skills.

Dugag butyag sa opisyal nga dakong papel ang pagsalmot sa simbahan sa maong programa tungod gikinahanglan sa mga aplicante ang values formation, tungod ang kinahanglan sab ang paghatag kanila sa ilang kinahanglang ispiritual.

Samtang mibutyag ang opisyal nga ang gikinahanglan nga ihatag sa aplikante ang ila lamang kaugalingon ilabina ang mga kursunada mokat-on, tungod alang kini sa ilang kaugmaon.