Mass Server’s Seminar-Workshop & Team Building gipahigayon

Usa sa mga tahas sa Parochial Vicar sa St. Mary of the Perpetual Rosary Parish, Buhangin nga si Fr. Rey T. Sabuero mao ang pag-giya sa mga batan-on isip Spiritual Director sa nagkalain-laing organizations sa mga batan-on diha sa Parokya.

Nakalatid sa programa sa spiritual director sa mga batan-on ang paghatag og mga assembliya, orientation, seminar-workshop ug team building. Pinaagi niini iyang mailhan ang mga nagkalain-laing miembro sa matag organizations sa batan-on nga nahisakop sa Parokya ug mga panginahanglan niini sa ilang ministriya.

Ang maong programa gisugdan kaniadtong Sabado, July 14, 2018 diin gipahigayon ang seminar-workshop ug team building alang sa mga Mass Servers. Gitambongan kini og cuarenta y saiz (46) ka mga batan-on.

Ang resource person sa maong seminar-workshop mao si Rey T. Sabuero isip spiritual director. Matud pa ni Fr. Rey ang content sa maong input sa seminar-workshop mao kining mosunod:

1. All matters concerning liturgical worship and their inner spiritual meaning of it. Like the Mass what is the important of it in our lives. It is the Heart and soul of our worship of God. What are the three used terms of mass: (1) Mass as a sacrifice (2) Mass is a sacred Meal called Eucharist (3) Mass is a memorial of the Last Supper.
2. Sanctuary. What are the parts of the sanctuary?
3. Who are the ministers at Mass?
4. Explanations of vestments
5. Sacred Vessels
6. Postures at Mass

Mapasalamaton ang mga mass servers sa gipa-ambit nga kahibalo o talento ug panahon sa mga Pangulo sa Batan-on (PSB) sa San Miguel Parish, Panacan diin gipangunahan sa Parish Youth Coordinator nga si Rondis Saulda. Sa Team Building gipadayag sa mga partisipante nga nakat-onan nila ang mga core virtues sa pagpangalagad isip mass servers sama sa pagtinabangay, pagpaubos, pagrespeto, pagsalig, komunikasyon ug uban pa.

Nagpadayag usab og pasalamat si Bro. Arthur Dizon, Sr., KOTAS coordinator sa Parokya sa gipahigayon nga seminar-workshop kay daghang pagtulun-an ang nakat-onan ang mga mass servers ug sa paghatag og panahon sa mga PSB sa San Miguel Parish sa maong team building.

Kini nga kalihokan nahimong malampuson pinaagi sa suporta sa Kura Paroko, Fr. Dionisio C. Tabiliran kinsa misaad sa iyahang suporta diha sa umaabot na mga actibidades sa mga batan-on diha sa parokya inubanan sa iyahang parochial vicar nga si Fr. Rey T. Sabuero. (Hermie Mapute, SMPRP SoCCom)