Donasyon ug Panaad sa Batan-on

Sa iyang pagkaluwas sa iyang sakit nga “Severe Dengue”, misaad ang batan-ong katekista sa Santa Ana Shrine Parish nga magdonate ug dugo kung adunay panawagan ang simbahan agig pasalamat sa ONSE (11) KA BAG NGA DUGO nga iyang nagamit nianang panahuna.

Napaminawan ni Mary Grace Curacha ang panawagan dinhi sa San Pedro Cathedral atol sa Santos nga Misa, nga magpahitabo ug Blood letting niadtong June 23, 2018. Usa kini sa mga kalihukan sa pagsaulog sa 170 katuig nga kapistahan sa maong parokya, ug ang panawagan alang usab kini sa mga taong manginahanglan ug dugo. Gitiman-an dayun kini sa maong batan-on ug sa walay pagduhaduha nagdonate ug nagbitbit pa siya ug kauban nga first time pang maghatag sa iyang dugo, si Troy Elviña, 19 yrs old, usa ka Soccom sa mao gihapong parokya nga nakita usab niya sa FB sa Davao Parish Soccom ang maong panawagan, mao nga sila nitubag sa maong tawag.

Dili makalimtan sa maong batan-on ang nahitabo kaniya, abi niya mao na kato ang panahon nga kuhaon na siya sa Ginoo, apan naluwas siya pinaagi sa mga donasyon nga dugo diha sa ilang katilingban, tungod niini siya misaad nga sa gihatag nga dugang kinabuhi sa atong Ginoo, moalagad siya ug magdonate ug dugo kung adunay panginahanglan. Si Mary Grace Curacha nakahuman isip Magtutudlo sa mga Kabataan (BSEED), apan siya nagpabilin isip usa usab ka Katekista sa maong parokya.

Kita usab kinahanglan nga maniid ug mangilabot alang sa kaayuhan sa uban, kay basin sa sunod higayun kita na usab ang manginahanglan. (Rosalinda Jabonillo, SPC Parish Soccom)