KRISTIYANO KITA!

Solemnidad sa pagkatawo ni Juan nga Magbubunyag
(Jr. 1:4-10 / Ps. 71:1-2,3-4,5-6,15-17 / 1 Pt. 1:8-12 / Lk 1:5-17)

Ang manolunda miingon kaniya, “Ayaw kalisang, Zacarias, kay ang imong pangamuyo nadungog, ug si Elisabet nga imong asawa manganak ug usa ka bata nga lalaki alang kanimo, ug paganganlan mo siyag Juan” (Lk 1:13)

Usa ka makabulahanong nga namugna sa atong kasaysayan sapagkatawo ni Juan nga magbubunyag. Matod pa sa mga skolar sa biblia ang buot pasabot sa pangalan nga John o Juan- is “to be gracious” kay matod pa diha sa atong ebanghelyo karon naga ingon “Ug mabatonan mo ang kalipay ug pagmaya, ug daghan ang magakalipay sa iyang pagkatawo” (Lk 1:14). Diha sa atong pagkatawo kitang tanan gihatagan usab sa atong mga ginikanan ug pangalan adunay taas nga pangalan adunay hamubo pud nga pangalan. Adunay pangalan nga gitugyan sa ilang mga anak kay tungod ilang gihatagan ug bili o kahulugan. Nag ka daiyang pangalan apan naa bay kahulugan ang imong pangalan nganong gipanganlan ka sa imong pangalan?

Tuod man diha sa kinabuhi ni Juan magbubunyag nag hatag siya ug kalipay sa mga katawhan ug ilabi na sa iyang mga ginikanan nga si Zacarias ug si Elisabet. Tiguwang na kaayo silang duha apan wala nila damha nga maka anak pa sila.

Diha usab sa kinabuhi ni Juan magbubunyag nahimo siya nga instrumento sa pagtagna sa pag abot sa Mesiyas ug iyang gi awhag ang mga katawan sa iyang pagpamulong “Paghinulsol kamo, kay ang gingharian sa langit haduol na” (MT 3:2).

Kining pagsaulog sa iyang natawhan dili lamang tungod kay magsaulog kita kay naay handa nga mga pagkaon sama sa atong naandan nga matag sa ulog nato sa atong adlawa’ng natawhan kihanglan adunay gayod garbong handaan apan kini nag pahinumdom kanato nga ang atong pagkatawo naay makabuluhanon nga tumong ug makasaysayan nga ikaw natawo niing kalibutana kay kitang tanan naay katuyoan ug kita gipadala sa Ginoo nga gihatagan ug misyon.

Ug labaw sa tanan kinsa ug unsa man ang imong pangalan atong hinumduman nga sa dihang gi bunyagan kita sa ngalan sa Amahan ug sa Anak ug sa Isperitu Santo ang atong pangalan unang pangalan mao ang KRISTIYANO kita nga mga binunyagan gitawag kita nga mga kristiyanos kay kita sumusunod man kang Kristo ug isip mga binunyagan kita naay misyon nga gitugyan kanato. Atong untang tagaan ug bili ang pangalan nga atong dawat dihang kita gibunyagan. (Mark Joy G. Basallajes)