Tricycle as bridal car? Pwede

KINSA MAY NAG INGON nga kinahanglan kotse ang bridal car? Tricycle ang service sa magtiayon nga bag-o rang nakadawat sa Sakramento sa Kaminyoon sa San Pedro Cathedral niadtong Hunyo 16. Ang mansibado wedding usa sa mga aktibidad nga gihan-ay kabahin sa ika-70 nga parochial fiesta sa Cathedral nga saulogon una mahuman ang bulan.

Dili lang diay kita mangandoy ug usa ka magarbong kasal, kundili ang importante nga makadawat kita sa maong Sakramento, ug nga magpuyo sa usa ka panimalay, nga anaa si Hesukristo sa atong mga huna-huna ug kasingkasing. Kini sad unta mabati sa atong mga anak ug nga sa ilang pagdako, mahatagan ug bili ang pagdawat niini. Kini makapaaghat kanila nga maningkamot sa pagpuyo sa grasya sa Ginoo.

Sila si Mr. ug Mrs. Tulin, membro sa Sto. Rosario GKK sa Brgy. 37-D, Trading Boulevard, dinhi sa Dakbayan sa Dabaw. (Rosalinda Jabonillo / SPC SoCCom)