GKK sa La Verna Parish gisaulog ang ika-28 nga pista

Nagsaulog sa ika-28 katuig nga kapistahan ang St. Anthony GKK nga sakop sa parokya sa St. Francis of Assisi La Verna niadtong June 12, 2018. Unang misa ni Fr. Pete Lamata sa maong GKK isip kura paroko sa maong parokya.

Malipayon nga miabi-abi o mitimbaya ang mga membro ug mga GSL sa bag-ong kura paroko. Atol sa homiliya nipaila sa Fr. Pete sa iyang kaugalingon ug gamay’ng background sa iyang pagkatawo una siya napari ug iya usab gibatbat ang iyang mga naagian na nga mga parokya una siya niabot sa La Verna.

Matod pa niya iyang nakita nga aduna gayuy panaghiusa ang maong katilingban kay bisan pa man primero pa niyang anhi sa maong GKK iyang nakita ang kalamboan ug anaa gayud ang pagtinabangay sa matag-usa ug nanghinaut siya nga kini mapadayon sa maong GKK.

Tulo ka mga bata ang gibunyagan ug 2 ka balay ang giblessingan atol sa pagsaulog sa kapistahan. (Sylvia Gamaya Orbeta/Parish Soccom, SFAP – La Verna)