Mga Opisyales sa K of C sa Lourdes Bag-o na

Kaniadtong September 7, 2013, madasigon kaayong napahigayon ang instalasyon sa mga bag-ong opisyales sa Knights of Columbus sa Our Lady of Lourdes Council No. 14740 ug Induction of Appointed Officers sa columbian year – July 2013-June 2014 didto sa San Roque Chapel Kadayawan Homes, Bangkal, Davao City.
Ang mga kalihukan gisugdan sa santos nga misa nga gidumala ni Fr. Dexter Veloso, Kura Paroko sa Our Lady of Lourdes Parish ug Chaplain sa maong council. Pagkahuman sa misa gisunod ang pag-instalar sa mga opisyales nga gidumala sa District Diputy nga si Sir Knight Calixto B. Galagar. Ang matag-usa gibasahan sa ilang tagsa-tagsa ka matag katungdanan sigun sa posisyon nga ilang gihuptan ug gipasaad sa pagtuman niini. Human ma-instalar ang mga opisyales gisunod usab ang induction sa mga Service Directors. Gihimo kini isip pormalidad sa ilang gihuptan nga katungdanan sigun sa naandan.
Ang ikaduhang bahin sa maong kalihukan mao ang fellowship sa mga opisyales ug mga sakop sa maong council kauban ang ilang matag pamilya ug dinhing dapita mao kini ang nakahatag ug kadasig sa mga miyembro hilabina nga adunay kaugalingong banda ang grupo sa mga PSL nga Knight of Columbus sa maong council ug maoy naglingaw sa nangapil sa maong okasyon pinaagi sa ilang pagtugtog ug pag-awit.
Mao kini ang mga opisyales nga gi-instalar: Grand Knight – Sir Knight Alexander Aladad, Deputy Grand Knight – Sir Felix G. Anoya, Chancellor – Sir Pedro V. Gohetia Jr., Financial Secretay – Sir Antonio O. Morales, Treasurer – Sir Nestor P. Llerin, Advocate – Sir Knight Rodolfo R. Paclipan, Trustees – Sir Ruben B. Sumagang ug Sir Bernabe C. Sanchez, Recorder – Sir Ruel T. Balag, Warden – Bro. Edward “Riel” Osorio, Program Director – Sir Rolando C. Isip, Membership Director – Sir Knight Julito G. Puliran, Church Director – Bro. Honorio S. Bernasor Jr., Community Director – Bro. Edward “Riel” Osorio, ug Culture of Life – Bro. Arnold Corsiga.

By Julito Puliran/Correspondent