Pinakaunang tigum sa GKK ug Parish SoCCom gipahigayon sa Dabaw

Kapin 800 ka participante nga nag gikan sa GKK ingun man sa nagkadaiyang parokya sa Archdiocese sa Davao ang mitambong sa pagsaulog sa 52nd World Communications Day, nga gipahigayon sa Martinez Sports Complex sa Ateneo Grade School Matina Campus ning syudad sa Davao, Mayo 27.

Kini ang pinakaunang higayon nga nagtigum ang mga GKK ug Parish SoCCom sumala sa pangandoy sa CBCP President ug Arsobispo sa Dabaw Archbishop Romulo G. Valles, D.D. Matud pa ni Auxiliary Bishop of Davao ug Kura Paroko sa San Pablo Parish nga maoy nangulo sa Misa, nga ang Gagmayng Kristohanong Katilingban kon GKK hulagway sa halapad nga simbahan nga gipanguluhan ni Papa Francisco, butang nga ang Social Communication sa simbahan, dili siya halayo sa simbahan tungud ang labawng makagagahum mismo mikonekta sa iyang katawhan, gani aduna kini gipadala nga mga propeta, sama ni Abraham ug Moises.

Sumala ni Rev. Fr. Ritsche Gamaya, ang Director sa Archdiocesan Commission on Social Communications nga ang mga mi-tambong sa maong aktibidad mga GKK Social Communications Commitee members, lakip na ang mga parish social communications ug ang mga anchor niining sibyaan sa DXGN 89.9 Spirit FM ug aduna say mga partisipante gikan sa Tagum, Mati ug Digos City.

Sumala sa pagpasabut ni Fr. Ritsche Gamaya nga ang maong aktibidad gihimo aron magkatapok ang mga GKK Soccom aron tubagon ang awhag sa Santo Papa Francisco nga saulogon ang World Communications Sunday.

Sumala pa nga angayan gayung mapamalandungan ang panawagan sa Santo Papa, butang nga adunay mga training nga gihatag usab alang sa mga Soccom.

Dugang ni Fr. Ristche nga dakong ka-importansta gayud ang mga myembro sa Soccom, sa GKK man ug parokya nga molambigit niini, tungud dili lang ang mga pari ug ang mga ka-obispohan ang adunay katungdanan sa pagsangyaw apan lakip na ang mga layko alang sa misyon sa pagpakaylap sa maayong balita.

Dugang sa pagpasabut ni Fr. Ritsche nga kinahanglan batokan gayud ang fake news, tungod kung ang mali nga impormasyon nga maabut sa katawhan, dili lamang mo resulta kini sa kagubot apan posible pa nga adunay makalas nga kinabuhi.

Samtang iyang giklaro nga kining sibyaan DXGN 89.9 Spirit FM, social media sa maong istasyon ug ang Davao Catholic Herald newspaper mao kini ang mga tulay sa simbahan aron mapakaylap ang kamatooran ngadto sa katawhan.