Unsa ka lig-on ang imong pagtoo?

Ikanapulo nga Dominggo sa Ordinaryong Panahon
Gen. 3:9-16 / Ps. 130: 1-2,3-4,5-6,7-8 / 2 Cor. 4:13-5 / Mk 3:20-35

Si Hesus diha sa atong ebanghelyo gipasanginlan sa mga mag tutudlo sa balaod nga nag-ingon “Anaa kaniya si Beelsebul! Ang pagangulo sa mga yawa maoy naghatag kaniyag gahom sa mga yawa sa paghingilin sa mga yawa!” (Mk. 3: 22).

Sukwahi sa imga gipang-ingon sa mga magtutudlo sa balaod kabalo kita nga gitudlo kanato sa atong simbahan ang pagsalikway sa tanang buhat nga dili mayo (mga buhat ni satanas) ug buhaton ang mga maayong binuhatan. Subo man paminawon, si Jesus nga nagbuhat ug mayo sa mga katawhan gipasanginlan pa hinoon nga gi yawaan. Apan si Jesus iyang gi-ingnan ang mga katawhan, “walay makasulod sa balay sa usa ka tawo nga kusgan ug makakawat sa iyang mga kabtangan gawas kon iya unang gaposon ang tawo nga kusgan” (Mk. 3:27). Boot pasabot niini kung kita lig-on diha sa atong pagtoo sa Ginoo wala gayud bisag kinsa nga makapahibulag kanato niya, apan kung luya ang atong pagtoo dali kanato ang madani sa gahom sa panulay.

Usahay maka ingon kita kung kinsa pa kadtong nag buhat ug maayo siya pa ang nahimong dautan, kung kinsa pa kadtong maayo siya pa ang makalolooy. Unsa ba gayod? Mga igsoon unsa man ang kahimtang sa imong kinabuhi karon padayon sa imong mga maayong buhat ang Ginoo naglantaw kanunay kanato, kabalo siya kung unsa ang imong gibuhat ug kung kita nagabuhat ug nagtuman sa sugo sa Ginoo wala gayoy makapatandog kanato ni bisan kinsa.

Ug kini gipamatud-an ni Kristo sa dihang makigkita unta kaniya ang iyang inahan ug mga igsoon apan si Jesus mitubag sapagpangutana “kinsa ba ang akong inahan ug mga igsoon”? Para kang Hesus ang iyang pamilya mao kita. Ang hinungdan sa iyang tubag dili tubag nga pagsalikway o paglimod sa iyang inahan ug sa iyang mga igsoon kun dili iya kitang giangkon nga isip usa ka pamilya, kitang tanan nga nagtuo ug nag tuman sa iyang sugo ug sa Amanhan niining kalibutana “kay kinsa kadtong nagtuman sa gisugo sa Dios mao ang akong mga igsoon ug akong inahan” (Mk: 3:35) sa gina-ingon pa ni Hesus.

Ang hagit kanato, kita nga mga sumusunod ni Kristo lig-unon nato ang atong pagtoo sa Ginoo ang panulay anaa kanunay sa ato apan dili kita angayan nga mahadlok kay ang Ginoo nagauban pud kanato kanunay, ug padayon lang sapagbuhat ug maayo. Nasayod man kita nga sa kinabuhi ni Hesus diha sa ebanghelyo nag buhat siya ug maayo bisan pa sa pag panamastamas kaniya, pagbudhi kaniya nag padayon gihapon siya sa pag buhat ug maayo kay mitoo siya nga ang Amahan anaa kaniya hangtod nga miabot ang adlaw nga gilansang siya sa krus. (Mark Joy G. Basallajes)