Flores de Mayo sa Malabog

Opening sa Flores de Mayo sa sitio Bal-ong GKK Sto. Niño nga sakop sa San Roque Parish Malabog gipangulohan kini sa among kura paroko nga si Fr. Jemasol Ortiz niadtong Mayo 6, 2018 sa ala una sa hapon. Sa maong opening giatol kini sa zonal mass sa 4 ka GKK sa maong sona 6.

Aduna kini 36 ka mga bata nga gitudloan sa duha ka mga katekista nga sila Jeanlyn Coquilla ug Josephen Berdos ug sa tabang pod sa membro sa Ebanghelisasyon malipayon sila sa pagtudlo sa mga bata sa pagrosaryo, action song ug paghalad sa mga bulak nga timaan sa pagdayeg ug paghigugma sa atong Birhen Maria nga inahan ni Hesus.

Nagpasalamat ang ilang mga katekista sa mga membro sa pagpaapil sa ilang mga anak diha sa Flores de Mayo. (Josie Nadela | GKK Soccom)