Cf. Kompendiyo sa Katekismo sa Simbahang Katoliko, 104-106

P: Unsa man ang gitudlo kanato sa natago nga kinabuhi ni Jesus didto as Nazaret ?
T: Sa sulod sa panahon sa iyang natago nga kinabuhi sa Nazaret, si Jesus nagpuyo sa kahilom sa usa ka kaambitan uban kaniya diha sa kabalaan nga makaplagan sa adlaw-adlaw nga kinabuhi nga mailhan diha sa pag-ampo, kayano, buhat ug gugma sa banay. Ang iyang pagkamasinugtanon kang Maria ug Jose, iyang ama-ama, usa ka larawan sa iyang anaknong pagtuman sa Amahan. Si Maria ug si Jose, midawat uban sa pagtoo, sa misteryo ni Jesus, bisan pag wala sila makasabot kanunay niini.

P: Nganong gidawat man ni Jesus gikan ni Juan ang “pagbunyag sa paghinulsol alang sa kapasayloan sa mga sala” (Lukas 3:3)?
T: Aron pagsubo sa iyang dayag nga kinabuhi ug pagpasiuna sa “Bunyag”sa iyang kamatayon, siya nga walay sala midawat nga iphon uban sa mga makasasala. Siya ang “Nating Karnero sa Dios nga nagawagtang sa sala sa kalibotan” (Juan 1:29). Misangyaw mahitungod Kaniya ang Amahan nga Siya “ang pinagga kong Anak” (Mateo 3:17) u gang Espiritu mikunsad nganha kaniya. Ang bunyag ni Jesus pasiunang larawan sa atong bunyag.

P: Unsa may atong makat-onan gikan sa mga pagsulay kang Jesus didto sa kamingawan?
T: Ang mga pagsulay kang Jesùs didto sa kamingawan laktod nga pag-asoy sa pagsulay kang Adan didto sa Paraiso ug sa mga pagsulay kang Israel didto sa desiyerto. Gitintal ni Satanas si Jesus mahitungod sa iyang pagsunod sa misyon nga gihatag Kaniya sa Amahan. Si Cristo, ang bag-ong Adan, nakigbatok u gang iyang kadaogan misngayaw sa kadaogan sa iyang pasyon nga mao ang labing taas nga pagtuman sa iyang anaknon nga gugma. Ang Simbahan nagapahiusa sa iyang kaugalingon niining maong misteryo sa linain nga paagi diha sa liturhikanhong panahon sa Kwaresma.