Abp. Valles: “Iya kitang gibantayan pag-ayo”

Malipayong gisaulog sa mga membro ug mga pangulo sa Good Shepherd Lorenzo ang ika-52 na kapistahan sa ilang patron na “GOOD SHEPERD” ang maayong magbalantay. Kini gisaulog niadtong Abril 22, Dominggo.

Ang kapistahan gisugdan ug usa ka santos nga misa nga gipangunahan sa atong halangdong arsobispo na si Archbishop Romulo Vallez DD, inubanan sa kura paroko sa Mary Help of Christians kung asa nahisakop ang Good Shepherd Chapel na si Rev. Fr. Marcelino Benabaye SDB.

Gihatagan nila’g init na mga kasing-kasing ang pagsugat sa ilang kapistahan. Sa wali ni Archbishop Romulo Vallez iyang gipatuhop sa mga miapil sa santos na misa na ang pinakamaayong magbalantay kay ang atong Ginoong Hesukristo diin iya kitang gibantayan pag ayo bisan pa ang iyang kaugalingon ang puli aron kita maluwas sa atong mga kasal anan. Wala kita niya gibiyaan ug gipangga kita niya pag ayo.

Miapil usab sa santos na misa ang pamilya sa midunar sa yuta nga gitukuran karon sa maong kapilya na mao ang Lorenzo Family.

Dako kaayo ang pasalamat sa mga pangulo na nagmalampuson ang ilang mga kalihukan sama sa basketball ug hiyas ng kabataan niadtong Abril 22.

Nagpasalamat ang mga pangulo sa mga mitambong ug ni witness sa ilang ika 52 na kapistahan karong tuiga ug nagpasalamat usab ang mga pangulo ug ang ilang kura paroko sa atong arsobispo na migahin ug oras alang sa ilang santos na misa. (Charlyn Bayo | MHCP SocCom)