Formal declaration as Archdiocesan Shrine and Centennial GKK Fiesta Celebration of San Vicente Ferrer Mulig, Toril

Excerpt from Archbishop Romulo G. Valles’ homily during the Holy Mass in celebration of the 100th Fiesta of GKK San Vicente Ferrer and its official declaration as the new Archdiocesan Shrine of St. Vicente Ferrer last April 5, 2018 at Mulig, Toril, Davao City.

Karon bisan pista ni San Vicente, ang tuyo niining tanan mao ang Ginoo, ang Diyos nga buotan nga nagpangga kanato.

Mga igsoon, talagsaon nga adlaw kini karon kay tungod mao kini ang ika-100 years niining atong debosyon sa pinalangga nga santos sa Ginoo, pirmi gyud ng sumpayan kay basi masobraan pud ta, di mamao ang atong debosyon nga si San Vicente ang sinugdanan, di intawon, siya ang pinanggang santos sa Ginoo.

Ibutang sa inyong huna-huna, irecord sa inyong kasingkasing kining talagsaon nga tuig sa grasya… nga niining maong lugara, niining maong debosyon, importante, napalig-on, napanindut, napalalom ang atong pagtoo sa Diyos pinaagi sa atong mahal nga Patron nga si San Vicente Ferrer.

Sulod sa 100 years, daghang mga tawo ang nakaanhi diri, niining Shrine nakasinati ug nakaila kita sa Diyos pinaagi sa intercession ni San Vicente Ferrer. Niining maong Shrine, nabuhi gayud ang atong pagtoo. Salamat sa Diyos! Gasa kini sa Archdiocese of Davao. Pagtoo nga nakaila gayud sa Diyos.

Busa ang importante nga papel, talagsaong papel niining maong lugar, niining kapilya, niining katilingban, mao nga ang muanhi diri mas makaila kang Jesus, mas makasinati sa Ginoo uban sa pangaliya ni San Vicente Ferrer.

Sa katapusan, tuig karon sa mga pari ug relihiyoso, atol sa proklamasyon niining Shrine. Si San Vicente Ferrer, usa ka Pari, pagkanindut!

Muhangyo ako ninyo nga mag ampo kita sa Ginoo sa dugang mga Pari sa Simbahan ug unta ang mga Pari magpabiling maglig-on uban sa pangaliya ni San Vicente Ferrer.