Alay Kapwa sa GKK-CDE Gisugdan na

Usa sa mga buluhaton nga pagahimoon matag tuig sa panahon sa kwaresma mao ang ALAY KAPWA. Kini nagsugod niadtong Pebrero 18, 2018 hangtod Marso 29, 2018. Sa GKK San Isidro Labrador, Ciudad de Esperanza gisugdan na ang maong buluhaton sa matag panimalay niining among katilingban. Adunay rito sa mga pag-ampo nga gipangulohan sa mga GKK Servant Leaders. Dinhi makita ang hulagway o tarp sa alay kapwa, crucifix, bible, kandila ug aduna usab kini love offering box. Ang dakong porsiyento nga malikom nga pondo gikan sa love offering moadto sa pondo alang sa disaster preparedness program sa arkdiyoses ug sa matag GKK sa parokya. Gilauman nga mamahimong makahuluganon ang pagsaulog sa Alay Kapwa aron magkatapok ug mas mahimomg suod ang pundok banay diha sa Gagmay’ng Kristohanong Katilingban (GKK). (Arsenia Barimbao, GKK Soccom)