Rigodon de Bolsa VI sa San Isidro Parish

Nagmabulukon ang gipahigayong Parish Day sa San isidro Labrador Parish, sa Catalunan Grande Davao City niadtong Marso 10.

Ang maong Parokya adunay gipahigayon nga Rigodon De Bolsa V1, goes Broadway.

Gipakita gayud sa mga parokyano ang ilang pagsuporta sa parokya pinaagi sa pagpakita sa ilang kahanas sa pagsayaw, diin nahimong bongga ang okasyon tungod mi duyog kanila ang Kura Paroko nga si Fr. Joel Caasi.

Sumala ni Fr. Caasi, gipahigayon nila ang ilang kalihukan nga usa ka fund-raising activity tungod sa ilang proyekto nga Building ug sa gitukod nga Gym, ilabi na ang pagpaatup niini.

Siya sab nagmapasalamaton sa iyang mga Parokyano gikan sa 39 ka Gagmay’ng Kristohanong Katilingban kon GKK nga gi-grupo sa lima ka zona alang sa pag perform ug tungud sa suporta hinungdan nga nahimong nagmalampuson ang maong aktibidad.

Samtang si Delia Ladao ang Parish Finance Chairman, nagbutyag nga ang natigum sa gipahigayong Rigodon De Bolsa VI gikan sa mga mitambong nga kinasing-kasing nga midunol sa ilang kontribusyon nga mikabat sa 100,000 pesos.