SKP2-GABAY Seminar sa Buhangin

Napahigayon ang unang session sa Seminar alang sa mga Giya Alang sa Bag-ong nag-Atubang sa Yugto (GABAY) kaniadtong Lunes, Marso 19, 2018 diin gihimo kini sa St. Mary of the Perpetual Rosary Parish. Ang mga GABAY maoy mo-monitor sa Vountary Submission of Reformation Persons (VSRP) nga nakahuman na sa diez y siyete (17) ka psycho-spiritual sessions. Adunay biente singco (25) ka mga GABAY nga mitubag sa maong pagpanawagan sa Parokya ug walo (8) ka miembro sa working group ang mitambong sa maong seminar.

Ang tigpasayon sa maong seminar mao ang mga ASAC staff nga si Dennis Mabayao kauban si Vicky Anghag. Nagpa ambit pud sa ilang kasinatian sila Jun, Norman ug Adrian.

Nagmalampuson ang unang session sa GABAY seminar pinaagi sa pagtinabangay sa Core Group sa Parish Social Action Ministry (PSAM) nga gipangulohan sa PSAM coordinator, Joel Corage ug sa makanunayong suporta sa Kura Paroko, Fr. Jess Samaniego. (Hermie Mapute | SMPRP SoCCom)